Оилавий шифохоналарда 19 турдаги қон таҳлил текширувларидан фойдаланиш мумкин. Бундан ташқари юрак-қон томир ва моддалар алмашинуви касалликларини эрта аниқлаш скрининг текширувлари мавжуд.

Йўлланмалар қуйидаги тоифадаги кексалар ва ногиронлиги бўлган шахсларга берилади:

• уруш ногиронларига ва қатнашчиларига тенглаштирилган шахслар;
• ҳалок бўлган ҳарбий хизматчиларнинг янги никоҳдан ўтмаган бева хотинлари (бева эрлари);
• республика аҳамиятига молик шахсий пенсия олувчи шахслар;
• Чернобил АЭС ҳалокати оқибатида нурланиш касаллигига чалинган ва уни бошидан кечирган шахслар, шунингдек, Чернобил ҳалокати сабабли ногирон бўлиб қолган шахслар;
• ядро полигонлари ва бошқа радиация-ядро объектларида ҳарбий хизматни ўтаган пенсия ёшидаги шахслар;
• I ва II-гуруҳ ногиронлиги бўлган шахслар, кўзи ожиз I-гуруҳ ногиронини кузатиб борувчи шахс;
• ўзгалар парваришига муҳтож бўлган ёлғиз кексалар;
• ёшга доир пенсия олувчилар.

Асос: Ўзбекистон Республикаси Вазирлар Маҳкамасининг 19.11.2021 йилдаги “Аҳолига санаторийларда даволаниш учун йўлланмалар бериш соҳасига ахборот-технологияларини жорий этиш тўғрисида” 693-сон қарори

Лицензия олиш учун аризалар лицензияловчи органга «Лицензия» АТ ёки ЯИДХП орқали тақдим этилади.

аризада қуйидаги маълумотлар кўрсатилади:

а) юридик шахснинг номи ва ташкилий-ҳуқуқий шакли, унинг почта манзили, фаолиятни амалга ошириш жойи, банк муассасасининг номи ва банк ҳисобварағи, телефон рақами, СТИР, электрон почта манзили (агар мавжуд бўлса), тиббий фаолият амалга ошириладиган муддат, лицензия тоифалари бўйича танлаш, ариза тўлдириш сабаби (янги лицензия олиш, қайта расмийлаштириш), лицензияни олиш тартиби (умумий ёки тезлаштирилган тартиб), лицензия талабгорининг лицензия талаблари ва шартларига риоя қилишга розилиги;

б) тасдиқланган энг кам талабларга мувофиқ тиббий фаолиятни амалга ошириш учун зарур бўлган ускуналар ва бошқа техника воситалари, шу жумладан, тиббий техниканинг мавжудлиги ҳақидаги маълумот.

Асос: Ўзбекистон Республикаси Вазирлар Маҳкамасининг «махсус электрон тизим орқали фаолиятнинг айрим турларини лицензиялаш тартиби тўғрисидасидаги ягона низомни тасдиқлаш ҳақида»2022 йил 21 февралдаги 80-сон қарори

Ҳуқуқий асос: Ўзбекистон Республикаси Вазирлар Маҳкамасининг 2023 йил 20 ноябрдаги "Давлат хизматларини кўрсатишни тартибга солувчи норматив-ҳуқуқий ҳужжатларни тизимлаштириш чора-тадбирлари тўғрисида"ги 612-сон қарори.

Маъмурий регламентларнинг 5–бандларида ариза берувчи давлат хизматидан фойдаланиш учун Давлат хизматлари марказига ўзи келиб мурожаат этади ёки давлат хизматларидан электрон тарзда фойдаланиш учун ЯИДХПда рўйхатдан ўтади.

Болаларни ногирон деб топиш уларнинг қонуний вакиллари — ота-оналари ёки уларнинг ўрнини босувчи шахсларнинг доимий яшаш жойидаги туман (шаҳар) даволаш-профилактика муассасаларида фаолият кўрсатаётган тиббий-маслаҳат комиссияси (ТМК) томонидан белгиланган тартибда амалга оширилади.

ТМК томонидан бериладиган болаларни ногирон деб топиш тўғрисида тиббий хулоса болаларга ижтимоий нафақа тайинлашга асос бўлади.

Айрим ҳолларда ногирон болаларнинг ота-оналари ёки уларнинг ўрнини босувчи шахслар паспорти бўйича рўйхатда турган жойларда яшамасдан бошқа жойларда ҳам яшашлари мумкин. Мазкур ҳолатда болаларнинг тиббий ҳужжатлари яшаш жойидаги тиббий муассасадаги ТМКга тақдим этилиб, тиббий хулоса расмийлаштирилади ва паспорт бўйича рўйхатда турган жойидаги ТМК томонидан ҳам тасдиқланади.

Ўзбекистон Республикасининг «Фуқароларнинг давлат пенсия таъминоти тўғрисида»ги Қонунининг 7-моддасига кўра, ёшга доир пенсия олиш ҳуқуқига:

эркаклар — 60 ёшга тўлганда ва иш стажлари камида 25 йил бўлган тақдирда;

аёллар — 55 ёшга тўлганда ва иш стажлари камида 20 йил бўлган тақдирда эга бўладилар.

Пенсия тайинлаш учун етарлича иш стажига эга бўлмаган шахсларга ёшга доир пенсиялар ушбу Қонун 37-моддаси биринчи қисмининг «а», «б», «в» ва «г» бандларида назарда тутилган камида 7 йил иш стажи мавжуд бўлган тақдирда, бор стажга мутаносиб миқдорда тайинланади (29-модда).

Вазирлар Маҳкамасининг 2022 йил 31 мартдаги 145-сон қарори билан тасдиқланган «Аёллар дафтари»ни юритиш орқали хотин-қизлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги Низомга асосан, аёллар дафтари – ижтимоий, иқтисодий, ҳуқуқий, психологик қўллаб-қувватлашга, билим ва касб ўрганишга эҳтиёжи ва иштиёқи бўлган, ишсиз хотин-қизларнинг муаммоларини аниқлаш, бартараф этиш ва назоратини олиб бориш бўйича маълумотлар базаси.

«Аёллар дафтари»га 30 ёшдан ошган қуйидаги тоифадаги хотин-қизлар киритилади:

ижтимоий ҳимояга муҳтож ишсиз хотин-қизлар;

тадбиркорлик қилиш истагида бўлган эҳтиёжманд хотин-қизлар;

боқувчиси бўлмаган эҳтиёжманд хотин-қизлар;

ижтимоий ёрдамга муҳтож I ва II гуруҳ ногиронлиги бўлган, шунингдек, тезкор тиббий муолажага муҳтож эҳтиёжманд хотин-қизлар;

уй-жойга муҳтож эҳтиёжманд хотин-қизлар;

қарамоғида ногиронлиги бўлган фарзанди мавжуд эҳтиёжманд хотин-қизлар.

Вазирлар Маҳкамасининг 2021 йил 21 октябрдаги 654-сон қарорига кўра, оиланинг ҳар бир аъзосига жами бир ойлик ўртача даромад минимал истеъмол харажатлари миқдоридан ошмаганда кам таъминланган деб эътироф этилади.

1. 2023 йил 1 декабрдан бошлаб:

бюджет ташкилотлари ходимларининг иш ҳақи, пенсиялар ва нафақалар миқдори 7 фоизга;

базавий ҳисоблаш миқдори 3 фоизга оширилди.

2. 2023 йил 1 декабрдан бошлаб Ўзбекистон Республикаси ҳудудида:

- меҳнатга ҳақ тўлашнинг энг кам миқдори — ойига 1 050 000 сўм;

-базавий ҳисоблаш миқдори — ойига 340 000 сўм;

- пенсияни ҳисоблашнинг базавий миқдори — ойига 372 000 сўм;

- ёшга доир энг кам пенсия миқдори — ойига 725 000 сўм;

- ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори — ойига 800 000 сўм;

- меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа миқдори — ойига 800 000 сўм;

- 1941 — 1945 йиллардаги уруш оқибатида ногирон бўлган шахслар ва унинг қатнашчилари, шунингдек, фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган шахсларнинг энг кам пенсия миқдори устамаларни инобатга олган ҳолда — ойига 3 527 000 сўм;

- белгиланган ёшга доир энг кам пенсия миқдоридан (725 000 сўмдан) 800 000 сўмгача пенсия олувчиларнинг ёшга доир пенсиялари миқдори — ойига 800 000 сўм;

- зарур иш стажига эга бўлмаган кекса ёшдаги фуқароларга бериладиган нафақа миқдори — ойига 608 000 сўм;

- иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда — ойига 608 000 сўм;

- ўзгалар парваришига муҳтож ногиронлиги бўлган 18 ёшгача болаларнинг парвариши билан банд бўлган боланинг қонуний вакилига бериладиган нафақа миқдори — ойига 608 000 сўм;

- боқувчисини йўқотганлик нафақаси олувчиларнинг бир нафар меҳнатга қобилиятсиз оила аъзоси учун нафақа миқдори — ойига 608 000 сўм этиб белгиланган ва кейинги ҳар бир меҳнатга қобилиятсиз оила аъзоси учун — 212 000 сўмдан қўшилади;

боқувчисини йўқотганлик пенсияси олувчиларнинг бир нафар меҳнатга қобилиятсиз оила аъзоси учун пенсиянинг энг кам миқдори — ойига 608 000 сўм этиб белгиланган ва кейинги ҳар бир меҳнатга қобилиятсиз оила аъзоси учун амалдаги тартибга мувофиқ пенсия тўланади.

Асос: Ўзбекистон Республикаси Президентининг 2023 йил 17ноябрьдаги ПФ-196-сон Фармони.

Мурожаат қилувчи (шахс ёки унинг қонуний вакили) хоҳишига кўра пенсия тайинлаш юзасидан Давлат хизматлари марказига келиб мурожаат қилади ёки Ягона интерактив давлат хизматлари порталидан рўйхатдан ўтган ҳолда пенсия тайинлаш бўйича сўровнома шаклини тўлдиради.

Мурожаат қилувчи (шахс ёки унинг қонуний вакили) нинг мурожаатига асосан Давлат хизматлари маркази ходими мурожаат қилувчи (шахс ёки унинг қонуний вакили) нинг номидан, ЯИДХП оркали мурожаат қилганда эса — мурожаат қилувчи (шахс ёки унинг қонуний вакили) мустақил равишда сўровномани тўлдириб, электрон шаклда Иқтисодиёт ва молия вазирлиги ҳузуридаги бюджетдан ташқари Пенсия жамғармаси (Пенсия жамғармаси) бўлимига юборади.

Пенсия жамғармаси бўлими сўровнома келиб тушганидан сўнг 5 дақиқа ичида қонуний вакил пенсия олувчи шахснинг васийси ёки ҳомийси эканлигини ўрганиш учун Мактабгача ва мактаб таълими вазирлигига ҳамда мурожаатчининг оила аъзоларини (яқин қариндошларини) ўрганиш учун Адлия вазирлигига электрон шаклда сўров юборади.

Пенсия жамғармаси бўлими 10 кун муддат ичида Мактабгача ва мактаб таълими вазирлиги, Адлия вазирлиги мурожаат қилувчининг иш стажи, ойлик иш ҳақи ҳамда бошқа электрон шаклдаги маълумотларни ахборот тизимларидан олади ҳамда ушбу маълумотларга асосан пенсия тайинлаш ёки пенсия тайинлашни рад этиш тўғрисида қарор қабул қилади.

Пенсия жамғармаси бўлими қарор қабул қилинганидан сўнг 5 дақиқа ичида пенсия тайинлангани ёки пенсия тайинлаш рад этилгани ҳақидаги электрон шаклдаги маълумотларни Давлат хизматлари марказига юборади ёки Ягона интерактив давлат хизматлари портали орқали пенсия тайинлаш учун мурожаат қилган фуқаронинг мобиль телефон рақамига пенсия тайинлаш рад этилганлиги ҳақида СМС-хабар ёки шахсий кабинетига хабар юборади.

Давлат хизматлари маркази маълумот олинганидан сўнг 5 дақиқа ичида

пенсия тайинлаш рад этилган тақдирда рад этиш сабаблари тўғрисида мурожаат қилувчини хабардор қилади ёки пенсия тайинланган тақдирда пенсияни қачон ва қаердан олиш тўғрисида мурожаат қилувчини хабардор қилади.

Асос: Ўзбекистон Республикаси Президентининг 2023 йил 31 октябрдаги ПҚ-353-сон Қарори.

Адлия вазирлиги фуқаро умумий белгиланган пенсия ёшига тўлган санада автоматик тарзда пенсия ёшига тўлган фуқаронинг паспорт (идентификация ID-карта) маълумотларини Иқтисодиёт ва молия вазирлиги ҳузуридаги бюджетдан ташқари Пенсия жамғармасининг «Пенсия» ахборот тизимига электрон шаклда юборади.

Иқтисодиёт ва молия вазирлиги ҳузуридаги бюджетдан ташқари Пенсия жамғармаси электрон маълумотлар келиб тушганидан сўнг автоматик тарзда пенсия тайинлаш ваколатига эга органларга пенсия ёшига тўлган фуқарога пенсия тайинланган ёки тайинланмаганлиги тўғрисидаги маълумотларни олиш учун ахборот тизими орқали электрон сўров юборади.

Пенсия тайинлаш ваколатига эга органлар электрон сўров келиб тушганидан сўнг автоматик тарзда пенсия ёшига тўлган фуқарога пенсия тайинланган ёки тайинланмаганлиги тўғрисидаги электрон маълумотларни Иқтисодиёт ва молия вазирлиги ҳузуридаги бюджетдан ташқари Пенсия жамғармасининг «Пенсия» ахборот тизимига юборади.

Иқтисодиёт ва молия вазирлиги ҳузуридаги бюджетдан ташқари Пенсия жамғармаси электрон маълумотлар келиб тушганидан сўнг автоматик тарзда:

1. Пенсия ёшига тўлган фуқарога пенсия тайинланганлиги тўғрисида маълумотлар келиб тушган тақдирда пенсия тайинлаш жараёнини тўхтатади;

2. Пенсия ёшига тўлган фуқарога пенсия тайинланмаганлиги тўғрисида маълумотлар келиб тушган тақдирда, Ички ишлар вазирлигининг «Манзил» ахборот тизимига пенсия ёшига тўлган фуқаронинг маҳалла фуқаролар йиғини кесимида яшаш жойи тўғрисидаги маълумотларни олиш учун ахборот тизими орқали электрон сўров юборади;

3. Пенсия ёшига тўлган фуқароларга пенсия тайинланмаганлиги тўғрисида электрон маълумотлар келиб тушган тақдирда, Электрон технологияларини ривожлантириш маркази ахборот тизимига пенсия ёшига тўлган фуқаронинг номига расмийлаштирилган мобиль телефон рақами ёки мобиль телефон рақами расмийлаштирилмаганлиги ҳақидаги маълумотларни олиш учун электрон сўров юборади.

Ички ишлар вазирлиги электрон маълумотлар келиб тушганидан сўнг автоматик тарзда пенсия ёшига тўлган фуқаронинг маҳалла фуқаролар йиғини кесимида яшаш жойи тўғрисидаги маълумотларни Иқтисодиёт ва молия вазирлиги ҳузуридаги бюджетдан ташқари Пенсия жамғармасининг «Пенсия» ахборот тизимига юборади.

Электрон технологияларини ривожлантириш маркази электрон маълумотлар келиб тушганидан сўнг автоматик тарзда пенсия ёшига тўлган фуқаронинг номига расмийлаштирилган мобиль телефон рақами ёки мобиль телефон рақами расмийлаштирилмаганлиги ҳақидаги маълумотларни Иқтисодиёт ва молия вазирлиги ҳузуридаги бюджетдан ташқари Пенсия жамғармасининг «Пенсия» ахборот тизимига юборади.

Иқтисодиёт ва молия вазирлиги ҳузуридаги бюджетдан ташқари Пенсия жамғармаси электрон маълумотлар келиб тушганидан сўнг автоматик тарзда пенсия ёшига тўлган фуқаронинг номига расмийлаштирилган мобиль телефон рақамига пенсия тайинлаш масаласи 10 кун муддат ичида кўриб чиқилиши тўғрисида СМС-хабар юборади.

Иқтисодиёт ва молия вазирлиги ҳузуридаги бюджетдан ташқари Пенсия жамғармаси бўлими:

1. 10 кун муддат ичида «Пенсия» ахборот тизимидаги мавжуд пенсия ёшига тўлган фуқаронинг иш стажи, иш ҳақи, устама олиш ҳуқуқини берадиган электрон маълумотлар асосида дастлаб фуқаронинг пенсияга бўлган ҳуқуқини аниқлайди, пенсия миқдорини ҳисоблайди ва пенсия тайинлайди;

2. Қарор қабул қилинган вақтда автоматик тарзда пенсия тайинланган тақдирда, пенсия ёшига тўлган фуқаронинг номига расмийлаштирилган мобиль телефон рақамига пенсия тури, пенсия миқдори, пенсия тайинлаш муддати, пенсия тўлов шакли ва пенсия тўлаш санаси тўғрисида СМС-хабар юборади. Агар фуқаронинг номига мобиль телефон рақами расмийлаштирилмаган бўлса, пенсионерга ушбу маълумотларни унинг яшаш жойи бўйича «Ўзбекистон почтаси» АЖнинг Электрон почта жўнатмаларининг ягона миллий тизими орқали етказади;

3. Хабарнома олганидан сўнг 5 кун ичида фуқаро тайинланган ёшга доир пенсия миқдоридан норози бўлганида ёки меҳнат фаолиятини давом эттириб, ёшга доир пенсияга кейинчалик чиқиш хоҳишини билдирган тақдирда, Пенсия жамғармаси бўлимига ташриф буюрган ҳолда ариза бериш орқали тайинланган пенсияни рад қилади;

4. Қарор қабул қилинган вақтда автоматик тарзда пенсия тайинлаш рад этилган тақдирда, фуқаронинг номига расмийлаштирилган мобиль телефон рақамига рад этиш сабаблари, қўшимча ҳужжат тақдим қилиш муддати, тартиби ва қабул қилинган қарор юзасидан шикоят қилиш тартиби тўғрисида СМС-хабар юборади. Агар фуқаронинг номига мобиль телефон рақами расмийлаштирилмаган бўлса, пенсионерга ушбу маълумотларни унинг яшаш жойи бўйича «Ўзбекистон почтаси» АЖнинг Электрон почта жўнатмаларининг ягона миллий тизими орқали етказади.

«Ўзбекистон почтаси» АЖ маълумотлар келиб тушганидан сўнг 5 кун ичида пенсия тайинланганлиги ёки тайинлаш рад этилганлиги тўғрисидаги хабарномани пенсионер ёки пенсия ёшига тўлган фуқаронинг яшаш жойига етказиб беради.

Асос: Ўзбекистон Республикаси Президентининг 2023 йил 31 октябрдаги ПҚ-353-сон Қарори.

Асос:. Ўзбекистон Республикаси Президентининг 31.10.2023 йилдаги ПҚ-353-сон қарори.

Ўзбекистон Республикаси Президентининг 31.10.2023 йилдаги ПҚ-353-сон қарорига мувофиқ, 2024 йил 1 январдан бошлаб фуқароларга давлат пенсияларини тайинлаш учун амалдаги тартибга қўшимча равишда уларнинг хоҳишига кўра Давлат хизматлари марказлари ёки Ягона интерактив давлат хизматлари портали орқали ҳам мурожаат қилиш ҳуқуқи берилади.

Асос:. Ўзбекистон Республикаси Президентининг 31.10.2023 йилдаги ПҚ-353-сон қарори.

Ўзбекистон Республикаси Президентининг 31.10.2023 йилдаги ПҚ-353-сон қарорига мувофиқ, 2025 йил 1 мартдан бошлаб фуқароларга ёшга доир пенсияларни «Фуқароларнинг давлат пенсия таъминоти тўғрисида»ги Ўзбекистон Республикаси Қонунининг 7-моддасида белгиланган ёшга тўлиши муносабати билан алоҳида мурожаат талаб этмаган ҳолда проактив шаклда тайинлаш тартиби жорий этилади.

Асос:. Ўзбекистон Республикаси Президентининг 11.09.2023 йилдаги ПҚ-300-сон қарори.

Ўзбекистон Республикаси Президентининг 11.09.2023 йилдаги ПҚ-300-сон қарорига мувофиқ, 2024 йил 1 январдан бошлаб онкогематологик касалликларга чалинган болалар учун Болалар гематологияси, онкологияси ва клиник иммунологияси маркази ҳамда Болалар миллий тиббиёт марказида гемотопоэтик суяк кўмиги ўзак ҳужайралари трансплантацияси амалиёти жорий этилади.

Асос:. Ўзбекистон Республикаси Президентининг 11.09.2023 йилдаги ПҚ-300-сон қарори.

Ўзбекистон Республикаси Президентининг 11.09.2023 йилдаги ПҚ-300-сон қарорига мувофиқ, вирусли гепатитнинг «С» тури билан касалланган беморларни ҳамда гемотопоэтик суяк кўмиги ўзак ҳужайралари трансплантацияси муолажасига муҳтож онкологик касалликларга чалинган болаларни тўлиқ Давлат буджети маблағлари ҳисобидан даволаш йўлга қўйилади.

Асос:. Ўзбекистон Республикаси Президентининг 11.09.2023 йилдаги ПҚ-300-сон қарори.

Ўзбекистон Республикаси Президентининг 11.09.2023 йилдаги ПҚ-300-сон қарорига мувофиқ, 2023 йил 1-октабрдан бошлаб оғир ҳаётий вазиятга тушган ёки тушиш хавфи юқори бўлган ҳар бир оила бўйича алоҳида «ижтимоий хизмат иши»ни юритиш тартиби амалиётга жорий этилади. Бунда, ушбу оилаларда шароитни яхшилаш, уларга даволаш, дори воситалари билан таъминлаш, фарзандларини мактабгача ва мактаб таълими ташкилотларига жойлаштириш, моддий ёрдам бериш каби ижтимоий хизматлар кўрсатиш назарда тутилади.

Асос:. Ўзбекистон Республикаси Президентининг 11.09.2023 йилдаги ПҚ-300-сон қарори.

Ўзбекистон Республикаси Президентининг 11.09.2023 йилдаги ПҚ-300-сон қарорига мувофиқ, 2024 йил 1 январдан бошлаб Тошкент шаҳрининг тиббиёт муассасаларида давлат томонидан кафолатланган бепул тиббий хизматлар ҳажми ва дори воситалари рўйхатини амалиётга киритишни назарда тутувчи давлат тиббий суғуртаси механизмлари босқичма-босқич жорий этилади.

Асос:. Ўзбекистон Республикаси Президентининг 11.09.2023 йилдаги ПҚ-300-сон қарори.

Ўзбекистон Республикаси Президентининг 11.09.2023 йилдаги ПҚ-300-сон қарорига мувофиқ, 2024 йил 1 январдан бошлаб ногиронлиги бўлган шахсларни протез-ортопедия буюмлари, реабилитация ҳамда дори воситалари билан таъминлаш ишлари «ваучер» тизими асосида босқичма-босқич ташкил этилади. Бунда, ногиронлиги бўлган шахсларга товар ва хизматларни ўзлари танлаган етказиб берувчидан харид қилиш имконияти яратилади ва уларнинг харажатлари Давлат буджети маблағлари ҳисобидан қоплаб берилади.

Вақтинча меҳнатга лаёқатсизлик варақалари ва бошқа тиббий маълумотномаларни бериш Навоий ва Сирдарё вилоятларида.

2024 йил 1 январдан бошлаб вақтинча меҳнатга лаёқатсизлик варақалари ва бошқа тиббий маълумотномаларни қоғоз шаклда талаб қилиш тақиқланган.

Ўзбекистон Республикаси Президентининг 11.09.2023 йилдаги ПҚ-300-сон қарорига мувофиқ, вирусли гепатитнинг “С” тури билан касалланган беморларни ҳамда гемотопоетик суяк кўмиги ўзак ҳужайралари трансплантатсияси муолажасига муҳтож онкологик касалликларга чалинган болаларни тўлиқ Давлат буджети маблағлари ҳисобидан даволаш йўлга қўйилади.

Асос: Ўзбекистон Республикаси Президентининг 11.09.2023 йилдаги ПҚ-300-сон қарори.

  Тошкент шаҳри, Тошкент ва Самарқанд вилоятларида.

2024-йил 1-январдан бошлаб вақтинча меҳнатга лаёқатсизлик варақалари ва бошқа тиббий ма’лумотномаларни қоғоз шаклда талаб қилиш тақиқланган.

Мижозни шифохонага ётқизиш белгилари мавжудлигини аниқлаш учун туман (шаҳар), вилоят (Тошкент шаҳри) ва республика миқёсидаги тиббиёт ташкилотларида ташкил этиладиган комиссия.

Ижтимоий мақоми ва/ёки айрим касалликларнинг мавжудлиги муносабати билан Ўзбекистон Республикаси Президенти, Ўзбекистон Республикаси Ҳукумати ва Ўзбекистон Республикаси Соғлиқни сақлаш вазирлигининг қарорлари билан қонунчиликда белгиланган тартибда аниқланадиган.