Oilaviy shifoxonalarda 19 turdagi qon tahlil tekshiruvlaridan foydalanish mumkin. Bundan tashqari yurak-qon tomir va moddalar almashinuvi kasalliklarini erta aniqlash skrining tekshiruvlari mavjud.

Yoʻllanmalar quyidagi toifadagi keksalar va nogironligi boʻlgan shaxslarga beriladi:

• urush nogironlariga va qatnashchilariga tenglashtirilgan shaxslar;
• halok boʻlgan harbiy xizmatchilarning yangi nikohdan oʻtmagan beva xotinlari (beva erlari);
• respublika ahamiyatiga molik shaxsiy pensiya oluvchi shaxslar;
• Chernobil AES halokati oqibatida nurlanish kasalligiga chalingan va uni boshidan kechirgan shaxslar, shuningdek, Chernobil halokati sababli nogiron boʻlib qolgan shaxslar;
• yadro poligonlari va boshqa radiatsiya-yadro obyektlarida harbiy xizmatni oʻtagan pensiya yoshidagi shaxslar;
• I va II-guruh nogironligi boʻlgan shaxslar, koʻzi ojiz I-guruh nogironini kuzatib boruvchi shaxs;
• oʻzgalar parvarishiga muhtoj boʻlgan yolgʻiz keksalar;
• yoshga doir pensiya oluvchilar.

Asos: Oʻzbekiston Respublikasi Vazirlar Mahkamasining 19.11.2021-yildagi “Aholiga sanatoriylarda davolanish uchun yoʻllanmalar berish sohasiga axborot-texnologiyalarini joriy etish toʻgʻrisida” 693-son qarori

Litsenziya olish uchun arizalar litsenziyalovchi organga “Litsenziya” AT yoki YIDXP orqali taqdim etiladi.

arizada quyidagi maʼlumotlar koʻrsatiladi:

a) yuridik shaxsning nomi va tashkiliy-huquqiy shakli, uning pochta manzili, faoliyatni amalga oshirish joyi, bank muassasasining nomi va bank hisobvaragʻi, telefon raqami, STIR, elektron pochta manzili (agar mavjud boʻlsa), tibbiy faoliyat amalga oshiriladigan muddat, litsenziya toifalari boʻyicha tanlash, ariza toʻldirish sababi (yangi litsenziya olish, qayta rasmiylashtirish), litsenziyani olish tartibi (umumiy yoki tezlashtirilgan tartib), litsenziya talabgorining litsenziya talablari va shartlariga rioya qilishga roziligi;

b) tasdiqlangan eng kam talablarga muvofiq tibbiy faoliyatni amalga oshirish uchun zarur boʻlgan uskunalar va boshqa texnika vositalari, shu jumladan, tibbiy texnikaning mavjudligi haqidagi maʼlumot.

Asos: O‘zbekiston Respublikasi Vazirlar Mahkamasining “maxsus elektron tizim orqali faoliyatning ayrim turlarini litsenziyalash tartibi to‘g‘risidasidagi yagona nizomni tasdiqlash haqida”2022-yil 21-fevraldagi 80-son qarori

Huquqiy asos: O‘zbekiston Respublikasi Vazirlar Mahkamasining 2023-yil 20-noyabrdagi "Davlat xizmatlarini ko‘rsatishni tartibga soluvchi normativ-huquqiy hujjatlarni tizimlashtirish chora-tadbirlari to‘g‘risida"gi 612-son qarori.

Maʼmuriy reglamentlarning 5–bandlarida ariza beruvchi davlat xizmatidan foydalanish uchun Davlat xizmatlari markaziga o‘zi kelib murojaat etadi yoki davlat xizmatlaridan elektron tarzda foydalanish uchun YIDXPda ro‘yxatdan o‘tadi.

Bolalarni nogiron deb topish ularning qonuniy vakillari — ota-onalari yoki ularning o‘rnini bosuvchi shaxslarning doimiy yashash joyidagi tuman (shahar) davolash-profilaktika muassasalarida faoliyat ko‘rsatayotgan tibbiy-maslahat komissiyasi (TMK) tomonidan belgilangan tartibda amalga oshiriladi.

TMK tomonidan beriladigan bolalarni nogiron deb topish to‘g‘risida tibbiy xulosa bolalarga ijtimoiy nafaqa tayinlashga asos bo‘ladi.

Ayrim hollarda nogiron bolalarning ota-onalari yoki ularning o‘rnini bosuvchi shaxslar pasporti bo‘yicha ro‘yxatda turgan joylarda yashamasdan boshqa joylarda ham yashashlari mumkin. Mazkur holatda bolalarning tibbiy hujjatlari yashash joyidagi tibbiy muassasadagi TMKga taqdim etilib, tibbiy xulosa rasmiylashtiriladi va pasport bo‘yicha ro‘yxatda turgan joyidagi TMK tomonidan ham tasdiqlanadi.

Oʼzbekiston Respublikasining “Fuqarolarning davlat pensiya taʼminoti to‘g‘risida”gi Qonunining 7-moddasiga ko‘ra, yoshga doir pensiya olish huquqiga:

erkaklar — 60 yoshga to‘lganda va ish stajlari kamida 25 yil bo‘lgan taqdirda;

ayollar — 55 yoshga to‘lganda va ish stajlari kamida 20 yil bo‘lgan taqdirda ega bo‘ladilar.

Pensiya tayinlash uchun yetarlicha ish stajiga ega bo‘lmagan shaxslarga yoshga doir pensiyalar ushbu Qonun 37-moddasi birinchi qismining «a», «b», «v» va «g» bandlarida nazarda tutilgan kamida 7 yil ish staji mavjud bo‘lgan taqdirda, bor stajga mutanosib miqdorda tayinlanadi (29-modda).

Vazirlar Mahkamasining 2022-yil 31-martdagi 145-son qarori bilan tasdiqlangan “Ayollar daftari”ni yuritish orqali xotin-qizlar muammolarini tizimli ravishda hal etish va ularni ijtimoiy qo‘llab-quvvatlash tartibi to‘g‘risidagi Nizomga asosan, ayollar daftari – ijtimoiy, iqtisodiy, huquqiy, psixologik qo‘llab-quvvatlashga, bilim va kasb o‘rganishga ehtiyoji va ishtiyoqi bo‘lgan, ishsiz xotin-qizlarning muammolarini aniqlash, bartaraf etish va nazoratini olib borish bo‘yicha maʼlumotlar bazasi.

“Ayollar daftari"ga 30 yoshdan oshgan quyidagi toifadagi xotin-qizlar kiritiladi:

ijtimoiy himoyaga muhtoj ishsiz xotin-qizlar;

tadbirkorlik qilish istagida bo‘lgan ehtiyojmand xotin-qizlar;

boquvchisi bo‘lmagan ehtiyojmand xotin-qizlar;

ijtimoiy yordamga muhtoj I va II guruh nogironligi bo‘lgan, shuningdek, tezkor tibbiy muolajaga muhtoj ehtiyojmand xotin-qizlar;

uy-joyga muhtoj ehtiyojmand xotin-qizlar;

qaramog‘ida nogironligi bo‘lgan farzandi mavjud ehtiyojmand xotin-qizlar.

Vazirlar Mahkamasining 2021-yil 21-oktyabrdagi 654-son qaroriga ko‘ra, oilaning har bir aʼzosiga jami bir oylik o‘rtacha daromad minimal isteʼmol xarajatlari miqdoridan oshmaganda kam taʼminlangan deb eʼtirof etiladi.

1. 2023-yil 1-dekabrdan boshlab:

budjet tashkilotlari xodimlarining ish haqi, pensiyalar va nafaqalar miqdori 7 foizga;

bazaviy hisoblash miqdori 3 foizga oshirildi.

2. 2023-yil 1-dekabrdan boshlab O‘zbekiston Respublikasi hududida:

- mehnatga haq to‘lashning eng kam miqdori — oyiga 1 050 000 so‘m;

- bazaviy hisoblash miqdori — oyiga 340 000 so‘m;

- pensiyani hisoblashning bazaviy miqdori — oyiga 372 000 so‘m;

- yoshga doir eng kam pensiya miqdori — oyiga 725 000 so‘m;

- nogironlik pensiyalari, jumladan ish staji to‘liq bo‘lmagan chog‘dagi nogironlik pensiyasining eng kam miqdori — oyiga 800 000 so‘m;

- mehnatga layoqatsiz fuqarolarga beriladigan nogironlik nafaqasi va bolalikdan nogironligi bo‘lgan shaxslarga beriladigan nafaqa miqdori — oyiga
800 000 so‘m;

- 1941 — 1945-yillardagi urush oqibatida nogiron bo‘lgan shaxslar va uning qatnashchilari, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan shaxslarning eng kam pensiya miqdori ustamalarni inobatga olgan holda — oyiga 3 527 000 so‘m;

- belgilangan yoshga doir eng kam pensiya miqdoridan (725 000 so‘mdan) 800 000 so‘mgacha pensiya oluvchilarning yoshga doir pensiyalari miqdori — oyiga 800 000 so‘m;

- zarur ish stajiga ega bo‘lmagan keksa yoshdagi fuqarolarga beriladigan nafaqa miqdori — oyiga 608 000 so‘m;

- ish staji to‘liq bo‘lmagan chog‘dagi yoshga doir pensiyaning eng kam miqdori qo‘shimcha to‘lovni hisobga olgan holda — oyiga 608 000 so‘m;

- o‘zgalar parvarishiga muhtoj nogironligi bo‘lgan 18 yoshgacha bolalarning parvarishi bilan band bo‘lgan bolaning qonuniy vakiliga beriladigan nafaqa miqdori — oyiga 608 000 so‘m;

- boquvchisini yo‘qotganlik nafaqasi oluvchilarning bir nafar mehnatga qobiliyatsiz oila a’zosi uchun nafaqa miqdori — oyiga 608 000 so‘m etib belgilangan va keyingi har bir mehnatga qobiliyatsiz oila a’zosi uchun — 212 000 so‘mdan qo‘shiladi;

- boquvchisini yo‘qotganlik pensiyasi oluvchilarning bir nafar mehnatga qobiliyatsiz oila a’zosi uchun pensiyaning eng kam miqdori — oyiga 608 000 so‘m etib belgilangan va keyingi har bir mehnatga qobiliyatsiz oila a’zosi uchun amaldagi tartibga muvofiq pensiya to‘lanadi.

Аsos: O‘zbekiston Respublikasi Prezidentining 2023-yil 17-noyabrdagi
PF-196-son Farmoni.

Murojaat qiluvchi (shaxs yoki uning qonuniy vakili) xohishiga ko‘ra pensiya tayinlash yuzasidan Davlat xizmatlari markaziga kelib murojaat qiladi yoki  Yagona interaktiv davlat xizmatlari portalidan ro‘yxatdan o‘tgan holda pensiya tayinlash bo‘yicha so‘rovnoma shaklini to‘ldiradi.

Murojaat qiluvchi (shaxs yoki uning qonuniy vakili) ning murojaatiga asosan Davlat xizmatlari markazi xodimi murojaat qiluvchi (shaxs yoki uning qonuniy vakili) ning nomidan, YIDXP orqali murojaat qilinganda esa - мurojaat qiluvchi (shaxs yoki uning qonuniy vakili) mustaqil ravishda so‘rovnomani to‘ldirib, elektron shaklda Iqtisodiyot va moliya vazirligi huzuridagi budjetdan tashqari Pensiya jamg‘armasi (Pensiya jamg‘armasi) bo‘limiga yuboradi.

Pensiya jamg‘armasi bo‘limi so‘rovnoma kelib tushganidan so‘ng 5 daqiqa ichida qonuniy vakil pensiya oluvchi shaxsning vasiysi yoki homiysi ekanligini o‘rganish uchun Maktabgacha va maktab ta’limi vazirligiga hamda murojaatchining oila a’zolarini (yaqin qarindoshlarini) o‘rganish uchun Adliya vazirligiga elektron shaklda so‘rov yuboradi.

Pensiya jamg'armasi bo'limi 10 kun muddat ichida Maktabgacha va maktab ta’limi vazirligi, Adliya vazirligi murojaat qiluvchining ish staji, oylik ish haqi hamda boshqa elektron shakldagi ma’lumotlarni axborot tizimlaridan oladi hamda ushbu ma’lumotlarga asosan pensiya tayinlash yoki pensiya tayinlashni rad etish to‘g‘risida qaror qabul qiladi.

Pensiya jamg‘armasi bo‘limi qaror qabul qilinganidan so‘ng 5 daqiqa ichida Pensiya tayinlangani yoki pensiya tayinlash rad etilgani haqidagi elektron shakldagi ma’lumotlarni Davlat xizmatlari markaziga yuboradi yoki Yagona interaktiv davlat xizmatlari portali orqali pensiya tayinlash uchun murojaat qilgan fuqaroning mobil telefon raqamiga pensiya tayinlash rad etilganligi haqida SMS-xabar yoki shaxsiy kabinetiga xabar yuboradi.

Davlat xizmatlari markazi ma’lumot olinganidan so‘ng 5 daqiqa ichida pensiya tayinlash rad etilgan taqdirda rad etish sabablari to‘g‘risida murojaat qiluvchini xabardor qiladi yoki pensiya tayinlangan taqdirda pensiyani qachon va qayerdan olish to‘g‘risida murojaat qiluvchini xabardor qiladi.

Asos: O‘zbekiston Respublikasi Prezidentining 2023-yil 31-oktabrdagi
PQ-353-son qarori.

Adliya vazirligi fuqaro umumiy belgilangan pensiya yoshiga toʻlgan sanada avtomatik tarzda pensiya yoshiga toʻlgan fuqaroning pasport (identifikatsiya ID-karta) maʼlumotlarini Iqtisodiyot va moliya vazirligi huzuridagi byudjetdan tashqari Pensiya jamgʻarmasining “Pensiya” axborot tizimiga elektron shaklda yuboradi.

Iqtisodiyot va moliya vazirligi huzuridagi byudjetdan tashqari Pensiya jamgʻarmasi elektron maʼlumotlar kelib tushganidan soʻng avtomatik tarzda pensiya tayinlash vakolatiga ega organlarga pensiya yoshiga toʻlgan fuqaroga pensiya tayinlangan yoki tayinlanmaganligi toʻgʻrisidagi maʼlumotlarni olish uchun axborot tizimi orqali elektron soʻrov yuboradi.

Pensiya tayinlash vakolatiga ega organlar elektron soʻrov kelib tushganidan soʻng avtomatik tarzda pensiya yoshiga toʻlgan fuqaroga pensiya tayinlangan yoki tayinlanmaganligi toʻgʻrisidagi elektron maʼlumotlarni Iqtisodiyot va moliya vazirligi huzuridagi byudjetdan tashqari Pensiya jamgʻarmasining “Pensiya” axborot tizimiga yuboradi.

Iqtisodiyot va moliya vazirligi huzuridagi byudjetdan tashqari Pensiya jamgʻarmasi elektron maʼlumotlar kelib tushganidan soʻng avtomatik tarzda:

1. Pensiya yoshiga toʻlgan fuqaroga pensiya tayinlanganligi toʻgʻrisida maʼlumotlar kelib tushgan taqdirda pensiya tayinlash jarayonini toʻxtatadi;

2. Pensiya yoshiga toʻlgan fuqaroga pensiya tayinlanmaganligi toʻgʻrisida maʼlumotlar kelib tushgan taqdirda, Ichki ishlar vazirligining “Manzil” axborot tizimiga pensiya yoshiga toʻlgan fuqaroning mahalla fuqarolar yigʻini kesimida yashash joyi toʻgʻrisidagi maʼlumotlarni olish uchun axborot tizimi orqali elektron soʻrov yuboradi;

3. Pensiya yoshiga toʻlgan fuqarolarga pensiya tayinlanmaganligi toʻgʻrisida elektron maʼlumotlar kelib tushgan taqdirda, Elektron texnologiyalarini rivojlantirish markazi axborot tizimiga pensiya yoshiga toʻlgan fuqaroning nomiga rasmiylashtirilgan mobil telefon raqami yoki mobil telefon raqami rasmiylashtirilmaganligi haqidagi maʼlumotlarni olish uchun elektron soʻrov yuboradi.

Ichki ishlar vazirligi elektron maʼlumotlar kelib tushganidan soʻng avtomatik tarzda pensiya yoshiga toʻlgan fuqaroning mahalla fuqarolar yigʻini kesimida yashash joyi toʻgʻrisidagi maʼlumotlarni Iqtisodiyot va moliya vazirligi huzuridagi byudjetdan tashqari Pensiya jamgʻarmasining “Pensiya” axborot tizimiga yuboradi.

Elektron texnologiyalarini rivojlantirish markazi elektron maʼlumotlar kelib tushganidan soʻng avtomatik tarzda pensiya yoshiga toʻlgan fuqaroning nomiga rasmiylashtirilgan mobil telefon raqami yoki mobil telefon raqami rasmiylashtirilmaganligi haqidagi maʼlumotlarni Iqtisodiyot va moliya vazirligi huzuridagi byudjetdan tashqari Pensiya jamgʻarmasining “Pensiya” axborot tizimiga yuboradi.

Iqtisodiyot va moliya vazirligi huzuridagi byudjetdan tashqari Pensiya jamgʻarmasi elektron maʼlumotlar kelib tushganidan soʻng avtomatik tarzda pensiya yoshiga toʻlgan fuqaroning nomiga rasmiylashtirilgan mobil telefon raqamiga pensiya tayinlash masalasi 10 kun muddat ichida koʻrib chiqilishi toʻgʻrisida SMS-xabar yuboradi.

Iqtisodiyot va moliya vazirligi huzuridagi byudjetdan tashqari Pensiya jamgʻarmasi boʻlimi:

1. 10 kun muddat ichida “Pensiya” axborot tizimidagi mavjud pensiya yoshiga toʻlgan fuqaroning ish staji, ish haqi, ustama olish huquqini beradigan elektron maʼlumotlar asosida dastlab fuqaroning pensiyaga boʻlgan huquqini aniqlaydi, pensiya miqdorini hisoblaydi va pensiya tayinlaydi;

2. Qaror qabul qilingan vaqtda avtomatik tarzda pensiya tayinlangan taqdirda, pensiya yoshiga toʻlgan fuqaroning nomiga rasmiylashtirilgan mobil telefon raqamiga pensiya turi, pensiya miqdori, pensiya tayinlash muddati, pensiya toʻlov shakli va pensiya toʻlash sanasi toʻgʻrisida SMS-xabar yuboradi. Agar fuqaroning nomiga mobil telefon raqami rasmiylashtirilmagan boʻlsa, pensionerga ushbu maʼlumotlarni uning yashash joyi boʻyicha “Oʻzbekiston pochtasi” AJning Elektron pochta joʻnatmalarining yagona milliy tizimi orqali yetkazadi;

3. Xabarnoma olganidan soʻng 5 kun ichida fuqaro tayinlangan yoshga doir pensiya miqdoridan norozi boʻlganida yoki mehnat faoliyatini davom ettirib, yoshga doir pensiyaga keyinchalik chiqish xohishini bildirgan taqdirda, Pensiya jamgʻarmasi boʻlimiga tashrif buyurgan holda ariza berish orqali tayinlangan pensiyani rad qiladi;

4. Qaror qabul qilingan vaqtda avtomatik tarzda pensiya tayinlash rad etilgan taqdirda, fuqaroning nomiga rasmiylashtirilgan mobil telefon raqamiga rad etish sabablari, qoʻshimcha hujjat taqdim qilish muddati, tartibi va qabul qilingan qaror yuzasidan shikoyat qilish tartibi toʻgʻrisida SMS-xabar yuboradi. Agar fuqaroning nomiga mobil telefon raqami rasmiylashtirilmagan boʻlsa, pensionerga ushbu maʼlumotlarni uning yashash joyi boʻyicha “Oʻzbekiston pochtasi” AJning Elektron pochta joʻnatmalarining yagona milliy tizimi orqali yetkazadi.

“Oʻzbekiston pochtasi” AJ maʼlumotlar kelib tushganidan soʻng 5 kun ichida pensiya tayinlanganligi yoki tayinlash rad etilganligi toʻgʻrisidagi xabarnomani pensioner yoki pensiya yoshiga toʻlgan fuqaroning yashash joyiga yetkazib beradi.

Аsos: O‘zbekiston Respublikasi Prezidentining 2023-yil 31-oktabrdagi
PQ-353-son qarori.

Asos:. O‘zbekiston Respublikasi Prezidentining 31.10.2023 yildagi PQ-353-son qarori.

O‘zbekiston Respublikasi Prezidentining 31.10.2023 yildagi PQ-353-son qaroriga muvofiq, 2024-yil 1-yanvardan boshlab fuqarolarga davlat pensiyalarini tayinlash uchun amaldagi tartibga qo‘shimcha ravishda ularning xohishiga ko‘ra Davlat xizmatlari markazlari yoki Yagona interaktiv davlat xizmatlari portali orqali ham murojaat qilish huquqi beriladi.

Asos:. O‘zbekiston Respublikasi Prezidentining 31.10.2023 yildagi PQ-353-son qarori.

O‘zbekiston Respublikasi Prezidentining 31.10.2023 yildagi PQ-353-son qaroriga muvofiq, 2025-yil 1-martdan boshlab fuqarolarga yoshga doir pensiyalarni “Fuqarolarning davlat pensiya ta’minoti to‘g‘risida”gi O‘zbekiston Respublikasi Qonunining 7-moddasida belgilangan yoshga to‘lishi munosabati bilan alohida murojaat talab etmagan holda proaktiv shaklda tayinlash tartibi joriy etiladi.

Asos:. O‘zbekiston Respublikasi Prezidentining 11.09.2023 yildagi PQ-300-son qarori.

O‘zbekiston Respublikasi Prezidentining 11.09.2023 yildagi PQ-300-son qaroriga muvofiq, 2024-yil 1-yanvardan boshlab onkogematologik kasalliklarga chalingan bolalar uchun Bolalar gematologiyasi, onkologiyasi va klinik immunologiyasi markazi hamda Bolalar milliy tibbiyot markazida gemotopoetik suyak ko‘migi o‘zak hujayralari transplantatsiyasi amaliyoti joriy etiladi.

Asos:. O‘zbekiston Respublikasi Prezidentining 11.09.2023 yildagi PQ-300-son qarori.

O‘zbekiston Respublikasi Prezidentining 11.09.2023 yildagi PQ-300-son qaroriga muvofiq, virusli gepatitning “S” turi bilan kasallangan bemorlarni hamda gemotopoetik suyak ko‘migi o‘zak hujayralari transplantatsiyasi muolajasiga muhtoj onkologik kasalliklarga chalingan bolalarni to‘liq Davlat budjeti mablag‘lari hisobidan davolash yo‘lga qo‘yiladi.

Asos:. O‘zbekiston Respublikasi Prezidentining 11.09.2023 yildagi PQ-300-son qarori.

O‘zbekiston Respublikasi Prezidentining 11.09.2023 yildagi PQ-300-son qaroriga muvofiq, 2023-yil 1-oktabrdan boshlab og‘ir hayotiy vaziyatga tushgan yoki tushish xavfi yuqori bo‘lgan har bir oila bo‘yicha alohida “ijtimoiy xizmat ishi”ni yuritish tartibi amaliyotga joriy etiladi. Bunda, ushbu oilalarda sharoitni yaxshilash, ularga davolash, dori vositalari bilan ta’minlash, farzandlarini maktabgacha va maktab ta’limi tashkilotlariga joylashtirish, moddiy yordam berish kabi ijtimoiy xizmatlar ko‘rsatish nazarda tutiladi.

Asos:. O‘zbekiston Respublikasi Prezidentining 11.09.2023 yildagi PQ-300-son qarori.

O‘zbekiston Respublikasi Prezidentining 11.09.2023 yildagi PQ-300-son qaroriga muvofiq, 2024-yil 1-yanvardan boshlab Toshkent shahrining tibbiyot muassasalarida davlat tomonidan kafolatlangan bepul tibbiy xizmatlar hajmi va dori vositalari ro‘yxatini amaliyotga kiritishni nazarda tutuvchi davlat tibbiy sug‘urtasi mexanizmlari bosqichma-bosqich joriy etiladi.

Asos:. O‘zbekiston Respublikasi Prezidentining 11.09.2023 yildagi PQ-300-son qarori.

O‘zbekiston Respublikasi Prezidentining 11.09.2023 yildagi PQ-300-son qaroriga muvofiq, 2024-yil 1-yanvardan boshlab nogironligi bo‘lgan shaxslarni protez-ortopediya buyumlari, reabilitatsiya hamda dori vositalari bilan ta’minlash ishlari “vaucher” tizimi asosida bosqichma-bosqich tashkil etiladi. Bunda, nogironligi bo‘lgan shaxslarga tovar va xizmatlarni o‘zlari tanlagan yetkazib beruvchidan xarid qilish imkoniyati yaratiladi va ularning xarajatlari Davlat budjeti mablag‘lari hisobidan qoplab beriladi.

Vaqtincha mehnatga layoqatsizlik varaqalari va boshqa tibbiy ma’lumotnomalarni berish Navoiy va Sirdaryo viloyatlarida.

2024-yil 1-yanvardan boshlab vaqtincha mehnatga layoqatsizlik varaqalari va boshqa tibbiy ma’lumotnomalarni qog‘oz shaklda talab qilish taqiqlangan.

O‘zbekiston Respublikasi Prezidentining 11.09.2023 yildagi PQ-300-son qaroriga muvofiq, virusli gepatitning “S” turi bilan kasallangan bemorlarni hamda gemotopoetik suyak ko‘migi o‘zak hujayralari transplantatsiyasi muolajasiga muhtoj onkologik kasalliklarga chalingan bolalarni to‘liq Davlat budjeti mablag‘lari hisobidan davolash yo‘lga qo‘yiladi.

Asos: O‘zbekiston Respublikasi Prezidentining 11.09.2023 yildagi PQ-300-son qarori.

  Toshkent shahri, Toshkent va Samarqand viloyatlarida.

2024-yil 1-yanvardan boshlab vaqtincha mehnatga layoqatsizlik varaqalari va boshqa tibbiy ma’lumotnomalarni qog‘oz shaklda talab qilish taqiqlangan.

Mijozni shifoxonaga yotqizish belgilari mavjudligini aniqlash uchun tuman (shahar), viloyat (Toshkent shahri) va respublika miqyosidagi tibbiyot tashkilotlarida tashkil etiladigan komissiya.

Ijtimoiy maqomi va/yoki ayrim kasalliklarning mavjudligi munosabati bilan O‘zbekiston Respublikasi Prezidenti, O‘zbekiston Respublikasi Hukumati va O‘zbekiston Respublikasi Sog‘liqni saqlash vazirligining qarorlari bilan qonunchilikda belgilangan tartibda aniqlanadigan.