Ko‘p beriladigan savollar

Adliya

Mobile-ID tizimi foydalanuvchilarini identifikatsiyalash bo‘yicha yagona axborot tizimining tarkibiy qismi hisoblanib, shaxsni uning mobil telefon raqami orqali identifikatsiyalashni nazarda tutadi.

Jismoniy va yuridik shaxslarga “yagona darcha” tamoyili boʻyicha, shu jumladan olis joylarga chiqqan holda davlat xizmatlari koʻrsatish;

davlat xizmatlari servisining yuqori sifati, tezkorligi, shaffofligi, qulayligi va foydalanish imkoniyatini taʼminlash, mazkur sohada byurokratiya, sansalorlik va boshqa maʼmuriy toʻsiqlarga yoʻl qoʻymaslik;

idoralararo hamkorlikni, eng avvalo, davlat xizmatlari koʻrsatish uchun zarur hujjat va axborotlarni tezkorlik bilan olishni taʼminlovchi elektron hamkorlikni amalga oshirish;

davlat xizmatlari koʻrsatishda jismoniy va yuridik shaxslarga malakali axborot va maslahat yordamlarini taqdim etish;

vakolatli davlat organlari va boshqa tashkilotlar tomonidan davlat xizmatlari koʻrsatishda qonun hujjatlari va maʼmuriy reglamentlar talablariga rioya etilishini taʼminlash.

 

Oʻzbekiston Respublikasi Prezidentining 2018-yil 13-apreldagi PQ-3666-son qarori bilan tasdiqlangan Oʻzbekiston Respublikasi Adliya vazirligi toʻgʻrisidagi nizomning 8-bandiga muvofiq quyidagilar Vazirlik tizimiga kiradi:

Vazirlik markaziy apparati;

Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari, tumanlar (shaharlar) adliya boʻlimlari, yuridik xizmat koʻrsatish markazlari, davlat xizmatlari markazlari va FHDY organlari;

Huquqiy siyosat tadqiqot instituti;

X. Sulaymonova nomidagi Respublika sud ekspertiza markazi;

"Adolat milliy huquqiy axborot markazi" davlat muassasasi;

"Adliya organlari va muassasalarida axborot-kommunikatsiya texnologiyalarini rivojlantirish markazi" davlat muassasasi;

"Davlat xizmatlarini rivojlantirish markazi" davlat muassasasi;

"Intellektual mulk markazi" davlat muassasasi;

davlat notarial idoralari va arxivlari;

Yuristlar malakasini oshirish markazi;

Toshkent davlat yuridik universiteti;

yuridik texnikumlar;

Akademik litsey.

Yagona interaktiv davlat xizmatlari portali (my.gov.uz)dan Jismoniy shaxslar uchun elektron raqamli imzo olish xizmatidan foydalanishingiz mumkin. 
Xizmatdan foydalanish uchun qo‘llanma

 

Rasmiy hujjatlarga apostil qo‘yish Davlat xizmatlari markazlari yoki Yagona interaktiv davlat xizmatlari portali orqali olishingiz mumkin.

Rasmiy hujjatlarga apostil qo‘yish xizmati havolasi

O‘zbekiston Respublikasi Prezidentining 22.09.2020-yildagi "O‘zbekiston Respublikasida identifikatsiya ID-kartalarni joriy etish chora-tadbirlari to‘g‘risida"gi PF–6065-son Farmoniga muvofiq identifikatsiya ID-kartalarini olish uchun quyidagi hujjatlar taqdim etiladi:

pasport;

tug‘ilganlik haqidagi guvohnoma (ID-karta birinchi marotaba rasmiylashtirilayotganda);

davlat boji to‘langanligi haqida kvitansiya (elektron to‘lov tizimlari orqali to‘langanda kvitansiya majburiy emas).

O‘zbekiston Respublikasi Vazirlar Mahkamasining 04.10.2018-yildagi 797-son qarori bilan tasdiqlangan “Sudlanganlik haqida maʼlumotnoma berish bo‘yicha" davlat xizmati ko‘rsatishning maʼmuriy reglamentining 5-bandiga muvofiq, ariza beruvchi davlat xizmatidan foydalanish uchun Davlat xizmatlari markaziga o‘zi kelib murojaat etadi yoki davlat xizmatlaridan elektron tarzda foydalanish uchun YIDXPda ro‘yxatdan o‘tadi.

Shuningdek, ushbu reglamentning 6-bandiga muvofiq ariza beruvchining yaqin qarindoshlari (ota-onasi, eri yoki xotini va bolalari) ham ariza berishi mumkinligi ko‘rsatilgan.

O‘zbekiston Respublikasida identifikatsiya ID-kartalarini rasmiylashtirish va berish tizimini joriy etish chora-tadbirlari to‘g‘risidagi 129-sonli Vazirlar Mahkamasining Qaroriga muvofiq, 2021-yil 1-yanvardan boshlab yangi tug‘ilgan bolaga, O‘zbekiston fuqarosiga, O‘zbekiston hududida doimiy yashaydigan fuqaroligi bo‘lmagan shaxsga va xorijiy fuqaroga belgilangan namunadagi identifikatsiya ID-kartasi beriladi.

ID-karta shaxsni, fuqarolikni tasdiqlaydigan hujjat hisoblanib, O‘zbekiston hududida foydalaniladi. ID-karta 10 yil muddatga beriladi.

ID-karta rasmiylashtirilganligi va berilganligi uchun davlat boji miqdori bazaviy hisoblash miqdorining 89 foizini tashkil etadi.

O‘zbekiston Respublikasi fuqarosining 2011-yilgi namunadagi biometrik pasporti 2030-yil 1-yanvardan boshlab haqiqiy emas deb hisoblanadi.

Mobile-ID tizimidan quyidagi maqsadlarda foydalaniladi:

 OneID tizimi orqali davlat organlari va tashkilotlarining portal va axborot tizimlariga kirishda foydalanuvchilarning shaxsini tasdiqlash (autentifikatsiya qilish);

 Mobile-ID tizimidan foydalanayotgan foydalanuvchining haqiqiyligini tasdiqlash (verifikatsiya qilish);

 elektron davlat xizmatlaridan foydalanish boʻyicha foydalanuvchilar tomonidan berilgan arizalarni tasdiqlash;

 foydalanuvchi oʻzining shaxsiga doir maʻlumotlarni davlat organlari va tashkilotlari “Raqamli hukumat” tizimi orqali olganda bu haqida xabarnomalar qabul qilish;

 foydalanuvchi oʻzining shaxsiga doir maʻlumotlarni davlat organlari va tashkilotlari, xoʻjalik birlashmalari, nodavlat tashkilotlar “Elektron hukumat” tizimi orqali olishi uchun ruxsat berish;

 qonunchilikda nazarda tutilgan boshqa holatlarda.

Bugungi kunda Adliya vazirligining Davlat xizmatlari departamenti binosida situatsion markaz oʻrnatilgan. Bu orqali, barcha hududlarimizda mavjud davlat xizmatlari markazlarini onlayn nazorat qilish imkoniyati yaratilgan. Bu esa oʻz navbatida davlat xizmatlarini oʻz vaqtida tezkor va shaffof koʻrsatilishiga xizmat qiladi.

Bundan tashqari, doimiy ravishda vazirlik xodimlari tomonidan Davlat xizmatlari markazlari faoliyatini monitoring qilish maqsadida “Sirli mijoz” va reyd tadbirlari oʻtkazib boriladi.

Davlat xizmatlari markazlari tomonidan ko‘rsatiladigan davlat xizmatlarini joyiga chiqqan holda maxsus texnik qurilmalar (planshet yoki kompyuterga o‘rnatilgan daktiloskopiya, printer va boshqalar) yordamida ko‘rsatish yoki davlat xizmatlaridan foydalanish uchun ariza yuborish tartibi belgilandi.

Vakolatli organ — O‘zbekiston Respublikasi Adliya vazirligining davlat xizmatlari markazlari;

ariza beruvchi — davlat xizmati joyiga chiqish orqali ko‘rsatilishi istagini bildirgan jismoniy va yuridik shaxslar.

Davlat xizmatlari O‘zbekiston Respublikasi Adliya vazirligining Aloqa markaziga yoki uning rasmiy veb-saytiga («Call-markaz» yoki rasmiy veb-sayt) murojaat qilish orqali ko‘rsatiladi.

Davlat xizmatlarini joyiga chiqqan holda ko‘rsatish yoki davlat xizmatlaridan foydalanishga ariza yuborish uchun Toshkent shahrida bazaviy hisoblash miqdorining (keyingi o‘rinlarda — BHM) 50 foizi, viloyat markazlarida BHMning 40 foizi, tuman (shahar)larda BHMning 30 foizi miqdorida bir martalik to‘lov undiriladi.

O‘zgalar yordamiga muhtoj qariyalar, sog‘lig‘ining holatiga ko‘ra mustaqil harakatlanish imkoniyati cheklangan hamda I va II guruh nogironligi bo‘lgan shaxslarga davlat xizmatlari ko‘rsatilganligi uchun to‘lov undirilmaydi.

Ushbu Reglament milliy haydovchilik guvohnomasini rasmiylashtirish, O‘zbekiston Respublikasi fuqarosi, O‘zbekiston Respublikasida doimiy yashovchi chet el fuqarosi va fuqaroligi bo‘lmagan shaxsning identifikatsiyalovchi ID-kartasini hamda O‘zbekiston Respublikasi fuqarosining xorijga chiqish biometrik pasportini rasmiylashtirish, shuningdek, jismoniy shaxsning shaxsiy identifikatsiya raqamini berish bo‘yicha davlat xizmatlarini ko‘rsatishga nisbatan tatbiq etilmaydi.

Ariza beruvchi davlat xizmatlaridan foydalanish uchun «Call-markaz» yoki rasmiy veb-sayt orqali murojaat qiladi.

«Call-markaz» orqali so‘rovnomalar soat 09:00 dan 18:00 gacha ish vaqti davomida qabul qilinadi.

Rasmiy veb-sayt orqali sutkaning istalgan vaqtida murojaat qilinishi mumkin.

Ariza beruvchi «Call-markaz»ga murojaat qilgan taqdirda, «Call-markaz» xodimi ariza beruvchi nomidan, rasmiy veb-sayt orqali murojaat etganda esa, so‘rovnomani mustaqil ravishda to‘ldiradi.

Davlat xizmatlarini ko‘rsatish vaqti vakolatli organning ish vaqti doirasida belgilanadi.

«Call-markaz»ning mas'ul xodimi ariza beruvchiga davlat xizmatlarini ko‘rsatish tartibini belgilovchi qonunchilik hujjatlarida nazarda tutilgan davlat xizmatidan foydalanish uchun zarur bo‘lgan barcha hujjatlar (ma'lumotlar) to‘g‘risida ma'lumot beradi.

Ariza beruvchi so‘rovnomada ko‘rsatilgan davlat xizmatlaridan foydalanish uchun davlat xizmatini ko‘rsatishda talab etiladigan barcha hujjatlarni (ma'lumotlarni) tayyorlab qo‘yishi lozim.

So‘rovnoma shakllantirilib, so‘rovnomadagi tegishli ma'lumotlar ariza beruvchi tomonidan tasdiqlangandan so‘ng uning mobil telefon raqamiga belgilangan miqdordagi to‘lovni amalga oshirish uchun invoys avtomatik ravishda yuboriladi.

Ariza beruvchi tomonidan to‘lov amalga oshirilgan vaqtning o‘zida so‘rovnoma vakolatli organga avtomatik ravishda yuboriladi.

Vakolatli organning mas'ul xodimi tomonidan davlat xizmatlari quyidagi shakllarda ko‘rsatiladi:

- davlat xizmatlarini to‘liq ko‘rsatish (davlat xizmatlari markazi davlat xizmatlarini ko‘rsatishga mas'ul bo‘lganda);

- davlat xizmatlaridan foydalanish uchun davlat xizmatini ko‘rsatishga mas'ul bo‘lgan vakolatli organlarga ariza yuborish.

Vakolatli organning mas'ul xodimi ariza beruvchi bilan telefon orqali bog‘lanib, so‘rovnomada ko‘rsatilgan joyga chiqadi hamda maxsus texnik qurilmalar yordamida davlat xizmatlarini ko‘rsatadi yoki davlat xizmatlaridan foydalanish uchun davlat xizmatini ko‘rsatishga mas'ul bo‘lgan vakolatli organlarga ariza yuboradi.

Ariza beruvchi davlat xizmatidan foydalanishdan uning har qanday bosqichida bosh tortish huquqiga ega. Ariza beruvchi davlat xizmatidan foydalanishdan bosh tortganda, uning so‘rovnomasi ko‘rilmasdan qoldiriladi va to‘langan to‘lov summasi qaytarilmaydi.

Agar vakolatli organning mas'ul xodimi so‘rovnomada ko‘rsatilgan joyga yetib kelgan vaqtdan boshlab 30 daqiqa mobaynida ariza beruvchi so‘rovnomada ko‘rsatilgan vaqtda va manzilda bo‘lmasa, davlat xizmatlarini ko‘rsatish uchun tegishli qonunchilik hujjatlarida belgilangan hujjatlar (ma'lumotlar)ni taqdim etmasa, davlat xizmatlarini ko‘rsatish yoki davlat xizmatlaridan foydalanish uchun ariza yuborish rad etiladi.

Bunda vakolatli organning mas'ul xodimi tomonidan ariza beruvchiga davlat xizmatlarini ko‘rsatish yoki davlat xizmatlaridan foydalanish uchun ariza yuborish rad etilganligi to‘g‘risida SMS-xabarnoma yuboriladi (rad etish sabablari batafsil ko‘rsatiladi).

Mazkur bandning birinchi xatboshisida ko‘rsatilgan holatlarda davlat xizmatlarini ko‘rsatish yoki davlat xizmatlaridan foydalanish uchun ariza yuborish rad etilgan taqdirda, to‘langan to‘lovlar qaytarilmaydi.

Vakolatli organ mas'ul xodimining aybi (kechikishi yoki kelmasligi, axborot tizimi yoki maxsus texnik qurilmalardagi nosozliklar) bilan davlat xizmatlari belgilangan muddatlarda va tartibda ko‘rsatilmagan holatlarda davlat xizmatlarini joylarga chiqqan holda ko‘rsatishda undiriladigan to‘lov miqdorlari ariza beruvchining murojaatiga asosan unga qaytariladi.

Ariza beruvchi mazkur bandning birinchi xatboshisida belgilangan holatlarda davlat xizmatlarini joylarga chiqqan holda ko‘rsatishda undiriladigan to‘lovni qaytarib olishi yoki davlat xizmatlarini joylarga chiqqan holda ko‘rsatishda undiriladigan to‘lovni takroran amalga oshirmasdan davlat xizmatlaridan boshqa vaqtda foydalanishi mumkin. Bunda ariza beruvchi davlat xizmatlaridan foydalanish uchun mazkur bobda belgilangan tartibda murojaat qiladi.

Ariza beruvchi xohishiga ko‘ra, davlat xizmatlarini ko‘rsatish natijasini Davlat xizmatlari markazlariga bevosita tashrif buyurib, axborot-kommunikatsiya texnologiyalaridan foydalangan holda yoki pochta aloqasi orqali olishi mumkin. Bunda pochta xarajatlari ariza beruvchi hisobidan qoplanadi.

Pochta aloqasi tomonidan ko‘rsatilgan xizmat uchun to‘lov miqdori pochta xizmati tomonidan belgilanadi.

“Davlat fuqarolik xizmati to‘g‘risida”gi qonunga ko’ra, O‘zbekiston Respublikasi Prezidenti:

  • davlat fuqarolik xizmatini rivojlantirish va takomillashtirishning ustuvor yo‘nalishlarini belgilaydi;
  • davlat fuqarolik xizmatini tashkil etish bilan bog‘liq tashkiliy-huquqiy mexanizmlarni belgilaydi;
  • O‘zbekiston Respublikasi Prezidentining vakolatlariga taalluqli davlat fuqarolik xizmati lavozimiga shaxslarni tayinlaydi va lavozimidan ozod qiladi. O‘zbekiston Respublikasi Prezidenti qonunga muvofiq boshqa vakolatlarni ham amalga oshirishi mumkin.

Davlat fuqarolik xizmatchisiga maxsus vakolatli davlat organi tomonidan belgilangan shakldagi xizmat guvohnomasi beriladi.

Xizmat guvohnomasida davlat fuqarolik xizmatchisi egallagan lavozimi, uning malaka darajasi, davlat organining to‘liq nomi, guvohnoma berilgan sana va uning amal qilish muddati ko‘rsatiladi.

Xizmat guvohnomasi davlat fuqarolik xizmatchisi to‘g‘risidagi ma’lumotlarni tasdiqlaydigan identifikatsiyalovchi karta ko‘rinishida ham berilishi mumkin.

Xizmat guvohnomasini boshqa shaxslarga berish mumkin emas.

Xizmat guvohnomasining amal qilish muddati o‘tgan yoki davlat fuqarolik xizmatchisi lavozimdan ozod etilgan taqdirda, shuningdek qonunchilikda nazarda tutilgan boshqa hollarda xizmat guvohnomasi uni bergan davlat organiga qaytariladi.

Davlat organida davlat fuqarolik xizmatchisi uchun besh kunlik ish haftasi belgilanadi. Bunda ish vaqtining davomiyligi haftasiga qirq soatdan oshmasligi kerak.

Uch yoshga to‘lmagan bolalari bor davlat fuqarolik xizmatchilari bo‘lgan ota-onasidan biriga (ota-onaning o‘rnini bosuvchi shaxsga) haftasiga o‘ttiz besh soatdan oshmaydigan ish vaqti davomiyligi belgilanadi.

Davlat fuqarolik xizmatchisining lavozim yo‘riqnomasi davlat fuqarolik xizmatchisining mansab vakolatlarini, xizmat majburiyatlarini va javobgarligini belgilaydigan hujjatdir.

Davlat fuqarolik xizmatchisining lavozim yo‘riqnomasi davlat organining rahbari tomonidan tasdiqlanadi yoki qonunchilikda belgilanadi. Davlat fuqarolik xizmatchisi mehnat shartnomasini imzolashdan oldin davlat fuqarolik xizmatchisi lavozim yo‘riqnomasi bilan imzo qo‘ydirib tanishtirilishi kerak.

Davlat fuqarolik xizmatchisiga quyidagi rag‘batlantirish choralari qo‘llanilishi mumkin:

  • lavozim maoshiga qo‘shimcha ustamalar;
  • pul mukofoti;
  • navbatdan tashqari malaka darajasini berish;
  • minnatdorchilik e’lon qilish;
  • qimmatbaho sovg‘a, esdalik yoki ko‘krak nishoni yoxud yorliq bilan mukofotlash.

Davlat fuqarolik xizmatchisi alohida xizmatlari uchun qonunchilikda belgilangan tartibda davlat mukofotlariga taqdim etilishi mumkin.

Yer, yer osti boyliklari, suvlar, havo bo‘shlig‘i, o‘simlik va hayvonot dunyosi hamda boshqa tabiiy resurslar, korxonalar, ashyolar, shu jumladan binolar, kvartiralar, inshootlar, asbob-uskunalar, xomashyo va mahsulot, pul, qimmatli qog‘ozlar va boshqa mol-mulk, shuningdek intellektual mulk obyektlari mulk bo‘lishi mumkin.

Mulkdorning o‘z huquqlarini amalga oshirishi boshqa shaxslarning huquqlarini va qonun bilan qo‘riqlanadigan. Qonun hujjatlarida nazarda tutilgan hollarda, shartlarda va doirada mulkdor boshqa shaxslar uning mol-mulkidan cheklangan. Mulkdor o‘zining ustunlik mavqeyini suiiste’mol qilishga, boshqa shaxslarning huquqlarini va qonun bilan qo‘riqlanadigan. Mulkdor o‘z huquqini amalga oshirganida fuqarolarning sog‘lig‘iga va atrof muhitga zarar yetkazishining oldini olish choralarini ko‘rishga majbur.

Da’vo muddati — shaxs o‘zining buzilgan huquqini da’vo qo‘zg‘atish yo‘li bilan himoya qilishi mumkin bo‘lgan muddatdir.

Fuqarolik kodeksiga ko’ra, umumiy da’vo muddati — uch yil.

Da’vo muddati shaxs o‘zining huquqi buzilganligini bilgan yoki bilishi lozim bo‘lgan kundan o‘ta boshlaydi. Bu qoidadan istisnolar ushbu Kodeks va boshqa qonunlar bilan belgilanadi.

Muayyan ijro muddatiga ega bo‘lgan majburiyatlar bo‘yicha da’vo muddati ijro muddati tamom bo‘lganidan keyin o‘ta boshlaydi.

Ijro etish muddati belgilanmagan yoki talab qilish payti ijro etish muddati bilan belgilangan majburiyatlar bo‘yicha da’vo muddati kreditorda majburiyatni bajarish to‘g‘risida talab qo‘yish huquqi paydo bo‘lgan vaqtdan o‘ta boshlaydi, bordi-yu, qarzdorga bunday talabni bajarish uchun imtiyozli muddat berilsa, da’vo muddati imtiyozli muddat tamom bo‘lganidan keyin hisoblana boshlaydi.

Regress majburiyatlar bo‘yicha da’vo muddati asosiy majburiyat bajarilgan paytdan o‘ta boshlaydi.

O‘zbekiston Respublikasi fuqarolari uchun «Haj» tadbiri O‘zbekiston Respublikasi Din ishlari bo‘yicha qo‘mita va Saudiya Arabistoni Podshohligi Haj va Umra vazirligi o‘rtasida har yili imzolanadigan shartnoma asosida O‘zbekiston musulmonlari idorasi tomonidan amalga oshiriladi hamda bunday faoliyat bilan boshqa tashkilotlarning shug‘ullanishiga yo‘l qo‘yilmaydi.

«Umra» tadbiri O‘zbekiston musulmonlari idorasi va tegishli litsenziyaga ega mahalliy turoperatorlar tomonidan amalga oshirilishi mumkin.

O‘zbekiston musulmonlari idorasi tomonidan tashkil etiladigan «Umra» tadbiri uning Saudiya Arabistonidagi hamkor tashkiloti o‘rtasida O‘zbekiston Respublikasi Prezidentining «Har yilgi «Haj» va «Umra» tadbirlarini tashkil etish va o‘tkazish masalalari bo‘yicha jamoatchilik kengashini tashkil etish to‘g‘risida» 2006 yil 28 avgustdagi PF-3793-son Farmoni bilan tashkil qilingan Har yilgi «Haj» va «Umra» tadbirlarini tashkil etish va o‘tkazish masalalari bo‘yicha jamoatchilik kengashi bilan kelishgan holda har yili imzolanadigan shartnomaga muvofiq Ushbu Nizom talablari asosida amalga oshiriladi.

Tadbirkorlik sub'ektlari tomonidan «Umra» tadbirini tashkil etish bilan bog‘liq faoliyat O‘zbekiston Respublikasi Vazirlar Mahkamasining alohida qarori bilan tartibga solinadi.

O‘zbekiston Respublikasi Prezidentining «Haj» va «Umra» tadbirlarini ado etuvchi dindorlarni davlat tomonidan qo‘llab-quvvatlashga doir qo‘shimcha chora-tadbirlar to‘g‘risida» 2008 yil 20 maydagi PQ-869-son qaroriga muvofiq O‘zbekiston Respublikasining Jidda shahridagi (Saudiya Arabistoni) Bosh konsulxonaning «Haj» va «Umra» ishlari bo‘yicha attashesi Saudiya Arabistonida «Haj» va «Umra» tadbirlariga borgan fuqarolarning tadbirlarni to‘liq bajarishida hamda ularning xavfsizligini ta'minlashda amaliy yordam ko‘rsatadi.

«Haj» va «Umra» tadbirlari bilan bog‘liq tashkiliy ishlarni va ziyoratchilarga sifatli xizmat ko‘rsatilishini muvofiqlashtirish uchun O‘zbekiston Respublikasi Din ishlari bo‘yicha qo‘mitasi hamda O‘zbekiston musulmonlari idorasi mas'uldir.

«Haj» va «Umra» tadbirlarini tashkil etish va o‘tkazish bilan bog‘liq ma'lumotlar (fuqarolarning haj va umra safarlariga navbati, safar uchun ajratilgan o‘rinlar, to‘lovlarning miqdori va boshqalar) muntazam ravishda O‘zbekiston musulmonlari idorasi rasmiy veb-saytida e'lon qilib boriladi.

Har yilgi «Haj» va «Umra» tadbirlari:

Respublika miqyosida Jamoatchilik kengashi;

Qoraqalpog‘iston Respublikasi, viloyatlar va Toshkent shahri miqyosida Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari huzuridagi har yilgi «Haj» va «Umra» tadbirlarini tashkil etish va o‘tkazish bo‘yicha hay'atlar;

tuman (shahar)lar miqyosida tuman (shahar)lar hokimliklari huzuridagi har yilgi «Haj» va «Umra» tadbirlarini tashkil etish va o‘tkazish masalalari bo‘yicha tashkiliy guruhlar tomonidan tashkil etiladi.

Jamoatchilik kengashi o‘z faoliyatini O‘zbekiston Respublikasi Prezidentining «Har yilgi «Haj» va «Umra» tadbirlarini tashkil etish va o‘tkazish masalalari bo‘yicha jamoatchilik kengashini tashkil etish to‘g‘risida» 2006 yil 28 avgustdagi PF-3793-son Farmoniga muvofiq amalga oshiradi.

Hay'atlar Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari huzurida tegishli ravishda Qoraqalpog‘iston Respublikasi Vazirlar Kengashi Raisi, viloyatlar va Toshkent shahri hokimlari tomonidan 9 kishidan iborat tarkibda tuziladi.

Hay'atlar quyidagi tashkilotlar mas'ul xodimlaridan iborat tarkibda shakllantiriladi:

Qoraqalpog‘iston Respublikasi Vazirlar Kengashi Raisining, viloyatlar va Toshkent shahri hokimlarining jamoat va diniy tashkilotlar bilan aloqalar bo‘yicha o‘rinbosari (hay'at raisi);

O‘zbekiston musulmonlari idorasining Qoraqalpog‘iston Respublikasi, viloyatlar va Toshkent shahridagi vakili;

Qoraqalpog‘iston Respublikasi Ichki ishlar vazirligi, viloyatlar va Toshkent shahar Ichki ishlar bosh boshqarmalarining migratsiya va fuqarolikni rasmiylashtirish bo‘linmasi rahbari;

Qoraqalpog‘iston Respublikasi Sog‘liqni saqlash vaziri, viloyatlar va Toshkent shahar sog‘liqni saqlash boshqarmasi boshlig‘i;

«O‘zbekiston havo yo‘llari» milliy aviakompaniyasi vakili;

Davlat bojxona qo‘mitasining Qoraqalpog‘iston Respublikasi, viloyatlar va Toshkent shahar boshqarmasi boshlig‘i;

Qoraqalpog‘iston Respublikasi Oila va xotin-qizlar qo‘mitasi raisi, viloyatlar va Toshkent shahar oila va xotin-qizlar boshqarmalari boshliqlari;

O‘zbekiston «Mahalla» xayriya jamoat fondining hududiy bo‘linmasi rahbari;

O‘zbekiston faxriylarining ijtimoiy faoliyatini qo‘llab-quvvatlash «Nuroniy» jamg‘armasining hududiy bo‘linmasi rahbari.

 Quyidagilar hay'atlarning asosiy vazifalari hisoblanadi:

«Haj» tadbiriga borishga nomzodlarni saralash ishlarini Haj mavsumidan kamida besh oy avval boshlashni tashkil etish;

«Haj» tadbiriga borishga nomzodlarni saralashni ushbu Nizomda belgilangan talablar asosida amalga oshirilishini hamda ijtimoiy adolat tamoyiliga amal qilinishini ta'minlash;

ziyoratchilarning to‘liq tibbiy ko‘rikdan o‘tishini ta'minlash;

jamiyatdagi ijtimoiy muhitni yanada sog‘lomlashtirishda hamda mahallalardagi yo‘ldan adashganlarni sog‘lom e'tiqodga qaytarishda alohida namuna ko‘rsatgan imom-xatiblarning imtiyozli ravishda Haj safariga borishiga tavsiya berish;

tegishli hududda davlat va nodavlat tashkilotlari mansabdor shaxslari tomonidan fuqarolarning «Haj» va «Umra» tadbirlari bilan bog‘liq qonunchilik hujjatlari talablari bajarilishini nazorat qilish hamda muvofiqlashtirish, mazkur ziyoratlarni tashkil etish va amalga oshirishda xizmat mavqeini suiiste'mol qilishga, boshqa huquqbuzarliklarga yo‘l qo‘yilmasligini ta'minlash;

 «Haj» va «Umra» tadbirlarini tashkil etish va o‘tkazish jarayoni monitoringini olib borish hamda tahlil qilish;

tegishli hududda «Haj» va «Umra» tadbirlarining amalga oshirilish vaqti, tartibi yuzasidan tushuntirish berish hamda «Haj» va «Umra» tadbirlarini tashkil etish va o‘tkazish bilan bog‘liq qonun buzilishi holatlari yuzasidan fuqarolarning murojaatlarini belgilangan tartibda ko‘rib chiqish, aniqlangan salbiy holatlarni o‘z vaqtida bartaraf etish;

ushbu Nizomning 26-bandiga muvofiq Jamoatchilik kengashi tomonidan Qoraqalpog‘iston Respublikasi, viloyatlar va Toshkent shahriga taqdim etiladigan kvota asosida tumanlar (shaharlar) bo‘yicha kvotani ishlab chiqish hamda har yili tegishli hududda «Haj» va «Umra» tadbirlariga boradigan ziyoratchilar ro‘yxatini tuzish va tasdiqlash. Belgilangan muddatlarda Jamoatchilik kengashiga mazkur ro‘yxat va kerakli hujjatlarni taqdim etish;

tegishli hududdagi fuqarolarning «Haj» va «Umra» tadbirlari uchun chet elga chiqish jarayonini hisobga olish va tizimlashtirish maqsadida ziyoratchilarning shaxsiy ma'lumotnomalari yagona bazasini yuritish;

ziyoratchilarning Toshkent shahriga kelish-ketishi, yashashi, ovqatlanishi, transport xarajatlarining qoplanishi uchun Jamoatchilik kengashi tomonidan tasdiqlangan har bir ziyoratchi uchun safar xarajatlari smetasiga qo‘shimcha tarzda Qoraqalpog‘iston Respublikasi va viloyatlar bo‘yicha alohida smeta ishlab chiqish va tasdiqlash;

tegishli hududda diniy va konfessiyalararo bag‘rikenglikni targ‘ib etish, islomning an'anaviy hanafiy mazhabiga zid bo‘lgan radikal-ekstremistik mafkuralarning o‘z mohiyati bo‘yicha buzg‘unchi ekanligini fosh qilishga doir O‘zbekistonda diniy sohada olib borilayotgan chora-tadbirlarni axborot bilan ta'minlash ishlarini amalga oshirish.

Ishchi organ quyidagi ishlarni tashkil etadi:

hay'at tomonidan tasdiqlangan ro‘yxatlar asosida ziyoratchilarning chet elga chiqish uchun ruxsat beruvchi yozuv stikerini rasmiylashtirilishini ta'minlash;

to‘lovlarni (Saudiya Arabistonida har bir «Haj» va «Umra» ziyoratchisi uchun shartnomaga ko‘ra sarflanadigan xarajat, aviachiptalar, vaktsinalar, tibbiy dori qutichasi uchun dori vositalari, «Haj» va «Umra» qo‘llanmasi va DVD disk, ziyoratchilar kiyim-kechagi, sumka va boshqalar uchun sarflanadigan xarajatlarni) ziyoratchilar tomonidan O‘zbekiston musulmonlari idorasining depozit hisobvarag‘iga naqd yoki naqd pulsiz tartibda milliy valyutada o‘tkazilishini ta'minlash;

ziyoratchilarni tibbiy ko‘rikdan o‘tkazish, emlash, ular bilan safaroldi mashg‘ulotlari o‘tkazish;

«Haj» va «Umra» mavsumlarida ziyoratchilarni kuzatish va kutib olish ishlarini amalga oshirish.

Tashkiliy guruhlar tuman (shahar) hokimliklari huzurida tuman (shahar) hokimlari tomonidan 7 kishidan iborat tarkibda tuziladi.

Tashkiliy guruhlar tarkibiga, qoidaga ko‘ra, tuman (shahar) hokimining o‘rinbosari (tashkiliy guruh raisi), bosh imom-xatib, ichki ishlar organining migratsiya va fuqarolikni rasmiylashtirish bo‘linmasi, tuman (shahar) tibbiyot birlashmasi, O‘zbekiston Respublikasi Oila va xotin-qizlar davlat qo‘mitasi, O‘zbekiston «Mahalla» xayriya jamoat fondi, O‘zbekiston Respublikasi Mahalla va nuroniylarni qo‘llab-quvvatlash vazirligining tuman (shahar) bo‘limlari rahbarlari kiritiladi.

Quyidagilar tashkiliy guruhlarning asosiy vazifalari hisoblanadi:

tegishli tuman (shahar)da davlat va nodavlat tashkilotlari mansabdor shaxslari tomonidan fuqarolarning «Haj» va «Umra» ibodatlari bilan bog‘liq qonunchilik hujjatlari talablari bajarilishini nazorat qilish hamda muvofiqlashtirish, mazkur ziyoratlarni tashkil etish va amalga oshirishda xizmat mavqeini suiiste'mol qilishga, boshqa huquqbuzarliklarga yo‘l qo‘yilmasligini ta'minlash;

tegishli tuman (shahar)da ziyoratlarni tashkil etish va amalga oshirish jarayoni monitoringini olib borish hamda tahlil qilish;

tegishli tuman (shahar)da «Haj» va «Umra» tadbirlarining amalga oshirilishi vaqti, tartibi yuzasidan tushuntirish berish hamda yo‘l qo‘yilayotgan qonun buzilishlari yuzasidan fuqarolarning murojaatlarini belgilangan tartibda ko‘rib chiqish, aniqlangan salbiy holatlarni o‘z vaqtida bartaraf etish;

ushbu Nizomning 26-bandiga muvofiq hay'atlar tomonidan tuman (shahar) bo‘yicha taqdim etiladigan kvota asosida hududdagi fuqarolarning o‘zini o‘zi boshqarish organlari uchun kvotani belgilash hamda tegishli yilda «Haj» va «Umra» tadbirlariga boradigan ziyoratchilar ro‘yxatini tuzish va tasdiqlash. Belgilangan muddatlarda tegishli hay'atlarga mazkur ro‘yxat va boshqa zarur hujjatlarni taqdim etish;

tegishli tuman (shahar)lardagi fuqarolarning «Haj» va «Umra» tadbirlari uchun chet elga chiqish jarayonini hisobga olish va tizimlashtirish maqsadida ziyoratchilarning shaxsiy ma'lumotnomalari yagona bazasini yuritish;

tegishli tuman (shahar)da diniy va konfessiyalararo bag‘rikenglikni targ‘ib etish, islomning an'anaviy hanafiy mazhabiga zid bo‘lgan radikal-ekstremistik mafkuralarning o‘z mohiyati bo‘yicha buzg‘unchi ekanligini fosh qilishga doir O‘zbekistonda diniy sohada olib borilayotgan chora-tadbirlarni axborot bilan ta'minlash ishlarini amalga oshirish.

«Haj» tadbiriga borishga nomzodlarni mahalla fuqarolar yig‘ini miqyosida saralab olish uchun fuqarolarning o‘zini o‘zi boshqarish organlarida tuman (shahar) hokimi tomonidan 7 kishidan iborat tarkibda ishchi guruh tuziladi (keyingi o‘rinlarda ishchi guruh deb ataladi).

Ishchi guruh tarkibiga, qoidaga ko‘ra, tuman bosh imomi, mahallaga biriktirilgan imom, mahalla raisi, mahalladagi xotin-qizlar faoli, fuqarolar yig‘ini raisining Keksalar va faxriylar ishlari bo‘yicha maslahatchisi kiritiladi.

Jamoatchilik kengashi, hay'atlar, tashkiliy guruhlar va ishchi guruhlar o‘zlariga yuklangan vazifalarning samarali bajarilishi uchun mas'uldirlar.

Mulk huquqi shaxsning o‘ziga qarashli mol-mulkka o‘z xohishi bilan va o‘z manfaatlarini ko‘zlab egalik qilish, undan foydalanish va uni tasarruf etish, shuningdek o‘zining mulk huquqini, kim tomonidan bo‘lmasin, har qanday buzishni bartaraf etishni talab qilish huquqidan iboratdir. Mulk huquqi muddatsizdir.

Quyidagilar ashyoviy huquqlar hisoblanadi:

  • xo‘jalik yuritish huquqi va operativ boshqarish huquqi;
  • meros qilib qoldiriladigan yer uchastkasiga umrbod egalik qilish huquqi;
  • yer uchastkasiga doimiy egalik qilish va undan foydalanish huquqi;
  • servitutlar.

Mulk daxlsizdir va qonun bilan qo‘riqlanadi. Mulkning daxlsizligi mulkdorga qarshi turgan barcha subyektlarning mulk huquqini buzishdan o‘zlarini saqlashlaridan iboratdir. Mulkdorning mol-mulkini olib qo‘yishga, shuningdek uning huquqlarini cheklashga faqat qonunda nazarda tutilgan hollardagina yo‘l qo‘yiladi.

O‘zbekiston Respublikasida mulk xususiy mulk va ommaviy mulk shakllarida bo‘ladi.

Fuqarolar, yuridik shaxslar va davlat mulk huquqining subyektlaridir. Mol-mulk mulk huquqi asosida bir shaxsga yoki ikki va undan ortiq shaxslarga qarashli bo‘lishi mumkin.

Davlat xizmati O‘zbekiston Respublikasi Yagona interaktiv davlat xizmatlari portali (YIDXP) orqali O‘zbekiston Respublikasi Kambag‘allikni qisqartirish va bandlik vazirligining tuman, shahar bo‘linmalari — Kambag‘allikni qisqartirish va bandlikka ko‘maklashish bo‘limlari tomonidan ko‘rsatiladi.

Davlat xizmati ko‘rsatilganligi uchun to‘lov undirilmaydi.

Asos: O‘zbekiston Respublikasi kambag‘allikni qisqartirish va bandlik vazirining 2023-yil 6-oktabrdagi 75/2023-son buyrug‘i.

“Ijtimoiy himoya yagona reyestri” axborot tizimida ro‘yxatga olingan shaxslarga, shuningdek, I va II guruh nogironligi bo‘lgan shaxslarga belgilangan yig‘imning 50 foizi miqdorida chegirma qo‘llaniladi.

  Noto‘g‘ri ma’lumotlar ko‘rsatilishi, shuningdek, davlat xizmatlarini ko‘rsatish uchun yig‘imni to‘lamaslik davlat xizmatlarini ko‘rsatishni rad etish uchun asos hisoblanadi. Davlat xizmatlarini ko‘rsatishni boshqa asoslar bo‘yicha rad etish taqiqlanadi.

Ariza beruvchilar davlat xizmatidan foydalanish uchun Davlat xizmatlari markaziga shaxsan kelib murojaat etadi yoki davlat xizmatlaridan elektron shaklda foydalanish uchun YaIDXPda ro‘yxatdan o‘tadi.

Arizalar YaIDXP orqali dam olish va bayram kunlaridan qat'i nazar, har kuni 24 soat davomida yuborilishi mumkin.

Bunda arizalar ish vaqtidan keyin yoki dam olish va bayram kunlarida tushganda, kalendarь bo‘yicha navbatdagi ish kuni arizalarning vakolatli organga tushgan va vakolatli organ tomonidan qabul qilingan kun deb hisoblanadi.

Ariza beruvchi shaxsan yoki uning nomidan murojaat qilish huquqiga ega bo‘lgan shaxs o‘zi kelib murojaat etgan taqdirda, Davlat xizmatlari markazi xodimi ariza beruvchi nomidan, YaIDXP orqali murojaat etgan taqdirda esa, mustaqil ravishda so‘rovnomani elektron shaklda to‘ldiradi.

Pasportlarda arizaga ayrim hujjatlar ilova qilinishi lozimligi ko‘rsatilishi mumkin. Ilova qilinadigan hujjatlar PDF, PNG yoki JPEG formatda bo‘lishi kerak.

Ariza beruvchidan tegishli ma'lumotnoma turi bo‘yicha pasportlarning “Jismoniy va yuridik shaxslarga ma'lumotnomalar berish bo‘yicha davlat xizmatlarini ko‘rsatish”ning yagona Ma'muriy reglamentida ko‘rsatilmagan ma'lumotlar va hujjat

larni talab qilish taqiqlanadi.

Pasport to‘ldirilganidan so‘ng ariza beruvchi ma'lumotlar to‘g‘riligini tekshiradi va imzolarni identifikatsiya qilishning zamonaviy vositalari (daktiloskopiya, elektron imzo, Mobil-ID va boshqalar) bilan tasdiqlaydi.

Ariza beruvchilar YaIDXP orqali murojaat etgan taqdirda, pasportni ERI bilan tasdiqlash talab etilmaydi.

Pasportni ko‘rib chiqish uchun pasportlarning “Jismoniy va yuridik shaxslarga ma'lumotnomalar berish bo‘yicha davlat xizmatlarini ko‘rsatish”ning yagona Ma'muriy reglamenti 5-bandida belgilangan miqdorlarda yig‘im undiriladi hamda taqsimlanadi.

Pasportlarda davlat xizmatlari tezlashtirilgan tartibda ko‘rsatilishi uchun qo‘shimcha to‘lov nazarda tutiladi. Davlat xizmatlari ko‘rsatilishi uchun YaIDXP orqali murojaat etilgan hollarda pasportlarda belgilangan to‘lov summasining 90 foizi undiriladi.

«Ijtimoiy himoya yagona reyestri» axborot tizimida ro‘yxatga olingan shaxslarga, shuningdek, I va II guruh nogironligi bo‘lgan shaxslarga belgilangan yig‘imning 50 foizi miqdorida chegirma qo‘llaniladi.

Davlati xizmatlari ko‘rsatilgani uchun yig‘im to‘langanligi axborot-kommunikatsiya tizimlari orqali tasdiqlanadi.

Pasportda noto‘g‘ri ma'lumotlar ko‘rsatilishi, shuningdek, davlat xizmatlarini ko‘rsatish uchun yig‘imni to‘lamaslik davlat xizmatlarini ko‘rsatishni rad etish uchun asos hisoblanadi.

Davlat xizmatlarini ko‘rsatishni boshqa asoslar bo‘yicha rad etish taqiqlanadi.

Ariza beruvchilar davlat xizmatlaridan foydalanishdan xizmat ko‘rsatishning har qanday bosqichida bosh tortish huquqiga ega. Ariza beruvchi davlat xizmatlaridan foydalanishdan bosh tortganda, uning so‘rovnomasi ko‘rilmasdan qoldiriladi. Bunda to‘langan yig‘im summasi qaytarilmaydi.

Ariza beruvchi Davlat xizmatlari markaziga shaxsan kelib murojaat etganda, tegishli so‘rovnoma Davlat xizmatlari markazi xodimi tomonidan to‘ldirilib, ariza beruvchi tomonidan tasdiqlangandan so‘ng barcha hujjatlar 10 daqiqa mobaynida vakolatli organga elektron shaklda yuboriladi. YIDXP orqali murojaat qilinganda esa so‘rovnoma avtomatik tarzda vakolatli organga yuboriladi.

Vakolatli organ pasportlarning “Jismoniy va yuridik shaxslarga ma'lumotnomalar berish bo‘yicha davlat xizmatlarini ko‘rsatish”ning yagona Ma'muriy reglamentida belgilangan muddat ichida so‘rovnomani ko‘rib chiqib, tegishli hujjatlar (ma'lumotlar) ushbu Reglament va pasportlarga muvofiq bo‘lgan taqdirda, QR-kod (matrik shtrixli kod) qo‘yilgan ma'lumotnomani rasmiylashtiradi hamda uni o‘z ERIsi bilan tasdiqlab, Davlat xizmatlari markaziga (shaxsan kelib murojaat etgan taqdirda) yoki ariza beruvchiga (elektron tarzda murojaat etgan taqdirda) YIDXP orqali elektron shaklda yuboradi.

Ariza beruvchi tomonidan pasportlarda nazarda tutilgan hujjatlar yoki ma'lumotlar to‘liq taqdim etilmaganda, ariza va unga ilova qilinadigan hujjatlarda noto‘g‘ri yoki ularda buzib ko‘rsatilgan ma'lumotlar mavjud bo‘lganda, vakolatli organ ariza beruvchiga kamchiliklarni to‘liq ko‘rsatgan holda ularni bartaraf etish uchun besh ish kunidan iborat muddat beradi. Davlat xizmatlarini ko‘rsatishni to‘xtatib turish to‘g‘risidagi xabar ariza beruvchiga bir ish kuni ichida yuborilishi lozim.

Davlat xizmatlarini ko‘rsatish muddatining o‘tishi kamchiliklarni bartaraf etish vaqti davomida to‘xtatib turiladi. Kamchiliklar bartaraf etilib qayta taqdim etilgan hujjatlar ko‘rib chiqilganligi uchun to‘lov undirilmaydi.

Davlat xizmatlari markazi ma'lumotnoma kelib tushgandan so‘ng 10 daqiqa mobaynida uni ariza beruvchining elektron manziliga yuboradi va ariza beruvchini bu haqda axborot-kommunikatsiya tizimi orqali xabardor qiladi. Davlat xizmatlari markazi ariza beruvchi shaxsan kelib murojaat qilgan taqdirda, unga ma'lumotnomani ariza beruvchining so‘roviga ko‘ra elektron shaklda yoki qog‘oz shaklda berishi shart.

Vakolatli organ tomonidan rasmiylashtirilgan ma'lumotnomada noto‘g‘ri ma'lumotlar mavjudligi aniqlangan taqdirda, ariza beruvchi 15 kun ichida yig‘im to‘lamasdan belgilangan tartibda qayta murojaat qilish huquqiga ega.

-               Fuqarolarning Ruhiy kasalliklar bo‘yicha dispanser hisobida turishi yoki turmasligi to‘g‘risida ma'lumotnoma

-               Fuqarolarning Narkologiya dispanseri hisobida turishi yoki turmasligi to‘g‘risida ma'lumotnoma

-               Harbiy xizmatdan ozod etish to‘g‘risida ma'lumotnoma

-               Sudlanmaganlik (yoki sudlanganlik) to‘g‘risida ma'lumotnoma

-               Manzil-ma'lumot axborotlari to‘g‘risida ma'lumotnoma

-               O‘zbekiston Respublikasi fuqaroligiga mansub emaslik to‘g‘risida ma'lumotnoma

-               Sodir bo‘lgan yong‘in to‘g‘risida ma'lumotnoma

-               Ko‘chmas mulk buzilishga tushganligi yoki tushmaganligi to‘g‘risida ma'lumotnoma

-               Soliqlar va yig‘imlardan soliq qarzi mavjud yoki mavjud emasligi to‘g‘risida ma'lumotnoma

-               Turar joyning maydoni to‘g‘risida ma'lumotnoma

-               Fuqarolarning nomida shaxsiy turar joy mavjud yoki mavjud emasligi to‘g‘risida ma'lumotnoma

-               Bino va inshootlarning mansubligi va tarkibi to‘g‘risida ma'lumotnoma

-               Yo‘qolgan ashyoning topilmaganligi to‘g‘risida ma'lumotnoma

-               «Avtomobilь tarixi» haqida ma'lumotnoma

-               Mavzuli so‘rovlar to‘g‘risida ma'lumotnoma

-               Oliy va o‘rta maxsus ta'lim muassasasida o‘qiganlikni tasdiqlash haqida arxiv ma'lumotnoma

-               Ish haqi va ish stajini tasdiqlash haqida arxiv ma'lumotnomasini

-               Kam ta'minlangan deb e'tirof etilganlik to‘g‘risida ma'lumotnoma

-               Pensiya va nafaqa oluvchilar ro‘yxatida mavjudligi haqida ma'lumotnoma

-               Pensiya va nafaqa miqdori to‘g‘risida ma'lumotnoma

-               Statistika ma'lumotlari

-               Korxonalar va tashkilotlarning yagona davlat registri to‘g‘risida ma'lumot

-               Doimiy yashash joyida ro‘yxatdan o‘tib yashovchilar to‘g‘risida ma'lumotnoma

-               «Kredit tarixi» to‘g‘risida ma'lumotnoma

-               Fuqarolik holati dalolatnomalarini yozish organlari tomonidan arxiv ma'lumotnomalari

-               Doimiy yashash joyi to‘g‘risida ma'lumotnoma

Prokat shartnomasi bir yilgacha muddatga tuziladi. Mulk ijarasi shartnomasini nomuayyan muddatga qaytadan tuzish va ijaraga oluvchining mulk ijarasi shartnomasini qaytadan tuzishga imtiyozli huquqi haqidagi qoidalar prokat shartnomasiga nisbatan qo‘llanmaydi. Ijaraga oluvchi prokat shartnomasini bajarishni istagan vaqtida rad etishga haqli.

Vazirlar Mahkamasining 2019-yilning 15-fevraldagi 134-son qarori bilan tasdiqlangan fuqarolik holati dalolatnomalarini yozish va notarial organlar sohasida hamda rasmiy hujjatlarga apostil qo‘yish bo‘yicha davlat xizmatlari ko‘rsatishning ma’muriy reglamentlarini tasdiqlash to‘g‘risidaqarorga asosan:

arxiv hujjatlaridan nusxalar berish uchun — bazaviy hisoblash miqdorining 2 foizi miqdorida;

Meros fuqaroning o‘limi yoki uning sud tomonidan vafot etgan deb e’lon qilinishi oqibatida ochiladi.

Meros qoldiruvchining o‘lgan kuni (zarurat bo‘lganda payti ham), u vafot etgan deb e’lon qilinganda esa, agar sudning qarorida boshqa muddat ko‘rsatilgan bo‘lmasa, vafot etgan deb e’lon qilish to‘g‘risidagi sudning qarori kuchga kiradigan kun meros ochilgan vaqt deb hisoblanadi.

Agar biridan keyin boshqasi meros olishga haqli bo‘lgan shaxslar bir kalendar sutka (yigirma to‘rt soat) ichida vafot etgan bo‘lsalar, ular bir vaqtda vafot etgan deb hisoblanadilar, meros ularning har biridan keyin ochiladi va ulardan har birining merosxo‘rlari vorislikka chaqiriladilar.

Meros qoldiruvchining oxirgi doimiy yashab turgan joyi merosning ochilish joyi hisoblanadi. Agar meros qoldiruvchining oxirgi yashab turgan joyi noma’lum bo‘lsa, meros qoldiruvchiga tegishli bo‘lgan ko‘chmas mulk yoki uning asosiy qismi turgan joy, ko‘chmas mulk bo‘lmagan taqdirda esa, ko‘char mulkning asosiy qismi turgan joy meros ochilgan joy deb hisoblanadi.

Meros ochilgan paytda hayot bo‘lgan fuqarolar, shuningdek meros qoldiruvchining hayotlik paytida homila holida bo‘lgan va meros ochilgandan keyin tirik tug‘ilgan bolalari vasiyat va qonun bo‘yicha merosxo‘r bo‘lishlari mumkin.

Meros ochilgan paytda tuzilib bo‘lgan yuridik shaxslar, shuningdek davlat va fuqarolarning o‘zini o‘zi boshqarish organlari ham vasiyat bo‘yicha merosxo‘r bo‘lishlari mumkin.

Fuqaroning o‘ziga tegishli mol-mulkni yoki bu mol-mulkka nisbatan huquqini vafot etgan taqdirda tasarruf etish xususidagi xohish-irodasi vasiyat deb e’tirof qilinadi.

Vasiyatnoma shaxsan tuzilishi lozim. Vasiyatnomaning vakil orqali tuzilishiga yo‘l qo‘yilmaydi.

Vasiyat qiluvchi merosning olinishi uchun merosxo‘r xulq-atvorining xususiyatini qonuniy ravishda shart qilib qo‘yishga haqli.

Merosxo‘rni tayinlash yoki vorislik huquqidan mahrum etish to‘g‘risidagi farmoyishga kiritilgan g‘ayriqonuniy shartlar haqiqiy bo‘lmaydi.

Vasiyatnomaga kiritilgan bo‘lib, merosxo‘r o‘z salomatligining ahvoliga ko‘ra yoki boshqa obyektiv sabablar tufayli bajara olmaydigan shartlar merosxo‘rning da’vosi bo‘yicha haqiqiy emas deb topilishi mumkin.

•          Yangi intensiv bogʻ, uzumzor va issiqxona xoʻjaliklarini qoʻllab-quvvatlash maqsadida suv tejovchi sugʻorish texnologiyalarini joriy qilish bilan bogʻliq xarajatlarning bir qismi qoplab beriladi.

Subsidiya olish uchun quyidagilarga murojaat qilish lozim:

•          uzumzorlarda suv tejovchi sugʻorish texnologiyalarini joriy qilish xarajatlarini qoplash boʻyicha – Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligiga;

•          yangi intensiv bogʻ va issiqxonalarda suv tejovchi sugʻorish texnologiyalarini joriy qilish xarajatlarini qoplash boʻyicha – Oʻzbekiston Respublikasi Qishloq xoʻjaligi vazirligi huzuridagi Uzumchilik va vinochilikni rivojlantirish agentligiga.

Arizaga ilova qilinadigan hujjatlar:

•          yuridik shaxsning nomi, soliq toʻlovchining identifikatsion raqami (STIR) va tashkiliy-huquqiy shakli, pochta manzili, soʻrayotgan subsidiyaning maqsadi, loyihani amalga oshirish joyi, xizmat koʻrsatuvchi tijorat banki nomi va bankdagi hisobraqami koʻrsatilgan holda subsidiya berish toʻgʻrisidagi ariza;

•          yangi intensiv bogʻ, uzumzor va issiqxona barpo etish uchun yer uchastkasi ajratilganligi toʻgʻrisida hujjatlar nusxasi;

•          qishloq xoʻjaligi ishlab chiqaruvchisining yer uchastkasiga tuzilgan uzoq muddatli ijara shartnomasi nusxasi;

•          tasdiqlangan shaklda loyiha toʻgʻrisida maʼlumot.

Subsidiyalash muddatlari:

•          yuqoridagi agentliklar uch ish kunida arizalarni koʻrib chiqadi va agentliklar kengashlariga kiritadi;

•          Kengashlar bir oy ichida subsidiyalarni ajratish boʻyicha manzilli roʻyxatlarini tasdiqlaydi;

•          agentliklar Kengashlarning qarorlari haqida uch ish kunida tashabbuskorni xabardor qiladi;

•          tashabbuskor Suv tejovchi sugʻorish texnologiyalarini joriy qilishga koʻmaklashish boʻyicha tuman ishchi komissiyacining yangi intensiv bogʻ, uzumzor va issiqxonalarda suv tejovchi sugʻorish texnologiyalarini foydalanishga qabul qilish yuzasidan tasdiqlangan dalolatnomalari asosida Agentliklarga murojaat qilinadi;

•          Agentliklar dalolatnomalar asosida bir oy ichida subsidiyani ajratadi.

Subsidiya miqdori:

•          joriy etilgan tomchilatib sugʻorish tizimlari uchun subsidiyalarning bazaviy hisoblash miqdori ekin maydonining har bir gektari uchun 8 million soʻm;

•          maydoni 35 gektardan ziyod bogʻ va uzumzorlar uchun suv chiqarish uchun burgʻilangan sugʻorish quduqlari, shuningdek, daryolar, kanallar va boshqa suv havzalaridan suv tortish uchun nasos stansiyalarini qurishga 120 million soʻm.

Masalan, Siz bonitet balli 38 boʻlgan 20 gektar uzumzorda joriy etilgan tomchilatib sugʻorish tizimi uchun subsidiya olmoqchi boʻlsangiz, uning miqdori quyidagicha boʻladi: 1,1 (bonitet balli 21-40 boʻlgan yerlarning koeffitsiyenti)*8 mln=8,8 mln soʻm bir gektar uchun. Endi mazkur qiymatni yer maydoniga koʻpaytirish orqali subsidiya miqdorini aniqlaymiz:8,8 mln * 40 gektar=jami 352 mln. Demak, Sizga 352 mln soʻm miqdorida subsidiya ajratiladi.

Imtiyozlar. Soliq kodesining 428-moddasiga asosan tomchilatib sugʻorish qoʻllaniladigan yerlar – tomchilatib sugʻorish tizimi joriy etilgan oyning boshidan eʼtiboran besh yil muddatga yuridik shaxslardan olinadigan yer soligʻini toʻlashdan ozod etiladi.

Normativ hujjatlar

Vazirlar Mahkamasining 2020-yil 19-fevraldagi 98-son qarori bilan tasdiqlangan Yangi intensiv bogʻ, uzumzor va issiqxona xoʻjaliklarida suv tejovchi texnologiyalarni joriy qilishga sarflangan xarajatlarning bir qismini qoplab berish tartibi toʻgʻrisidagi nizom

•          Temir yoʻl transporti turli vazn va hajmdagi yuklarni tashish uchun eng talab yuqori boʻlgan vositalardan biri hisoblanadi.

Yuk tashishning bunday turi avtomobildan keyin ikkinchi oʻrinda turadi.

•          Temir yoʻl transportining afzalliklari:

Xavfsizlik. Ular yuklarni koʻchirish paytida eng xavfsiz va tashqi taʼsirlardan himoyalangan deb hisoblanadi.

Tezlik. Temir yoʻllardan foydalanish tovarlarni turli yoʻnalishlarga yuqori tezlikda yetkazib berishga imkon beradi.

Jihozlanganlik. Barcha vagonlar muayyan yuklarni tashish uchun maxsus jihozlangan boʻlib, bu mijozga ularning yaxlitligi haqida qaygʻurmaslikka imkon beradi.

Arzon. Poyezdda tashishga avtomobil tashuvini tashkil qilishdan koʻra kamroq mablagʻ sarflanadi.

Ekologik toza. Harakat paytida atrof muhitni ifloslanishi minimal darajada.

Harakatlanadigan tarkibning umumiy foydalanadigan temir yoʻllarga chiqishi uchun ruxsatnoma talab etiladi.

Fuqaro havo kemalari davlat roʻyxatidan oʻtkazilishi hamda guvohnoma olinishi kerak. Fuqaro havo kemasini uchishga yaroqlilik sertifikatni olishda mazkur guvohnomani taqdim etish zarur boʻladi.

Ruxsatnoma beruvchi organ: Transport vazirligi huzuridagi Fuqaro aviatsiyasi agentligi.

Murojaat etish usuli:

- bevosita tashrif buyurish orqali (Toshkent shahar, Nukus koʻchasi, 73-B uy);

- pochta orqali (Toshkent shahar, Nukus koʻchasi, 73-B uy);

- elektron shaklda.

Talab etiladigan hujjatlar:

- ariza;

- jismoniy/yuridik shaxsning fuqarolik samolyotiga egalik qilish (boshqa mulkiy) huquqini tasdiqlovchi hujjatlarning nusxalari (shu jumladan shartnomalar nusxalari);

- zarur hollarda:

     - samolyotni chet davlat samolyotlari reestridan chiqarish toʻgʻrisidagi hujjat;

     - samolyotni davlat yoki tajriba aviatsiyasidan fuqaro aviatsiyasiga oʻtkazish toʻgʻrisidagi hujjatlar;

     - roʻyxatdan oʻtmagan samolyotlardan olingan taqdirda, havo kemasining eksport guvohnomasi nusxalari.

Undiriladigan toʻlovlar:

- arizani koʻrib chiqish uchun: undirilmaydi;

- ruxsatnoma berganlik uchun: undirilmaydi.

Arizani koʻrib chiqish muddati: 11 ish kuni.

Guvohnoma berish talablari va shartlari:

- Qonunga majburiy rioya qilish;

- Davavianazoratni talabnoma beruvchining oʻzgartirilishi, uning nomi yoki joyini (pochta manzilini) oʻzgartirish-egasi (egasi) uchun - yuridik shaxs uchun; familiya, ism, ota ismi yoki faoliyat joyini oʻzgartirish-egasi (egasi) uchun - qayta roʻyxatdan oʻtkazilgandan soʻng yetti ish kuni ichida xabar berish - jismoniy shaxs;

- samolyotning fuqarolik samolyot turi guvohnomasining mavjudligi — ketma-ket ishlab chiqarilgan samolyot yoki samolyotning ishga yaroqliligi sertifikati uchun-samolyotning yagona nusxalari uchun;

- fuqarolik samolyotlarining havo kemalari turiga qoʻllaniladigan havo kemalari standartlariga muvofiqligi.

Guvohnomani amal qilish muddati: cheklanmagan.

Normativ hujjatlar

Vazirlar Mahkamasining 2016-yil 1-martdagi 58-son "Tadbirkorlik subyektlarining fuqaro aviatsiyasi sohasida ruxsat berish tartib-taomillaridan oʻtishi tartibi toʻgʻrisidagi nizomlarni tasdiqlash haqida"gi qarori (hujjat rus tilida berilgan)

Lizing shartnomasi bo‘yicha lizing beruvchi (ijaraga beruvchi) bir taraf lizing oluvchi (ijaraga oluvchi) ikkinchi tarafning topshirig‘iga binoan sotuvchi uchinchi taraf bilan undan lizing oluvchi uchun mol-mulk sotib olish haqida kelishish majburiyatini oladi, lizing oluvchi esa buning uchun lizing beruvchiga lizing to‘lovlarini to‘lash majburiyatini oladi.

Iste’mol qilinmaydigan, tadbirkorlik faoliyati uchun foydalaniladigan har qanday ashyolar lizing obyekti bo‘lishi mumkin, yer uchastkalari va boshqa tabiat obyektlari bundan mustasno.

Korxonani sotish shartnomasiga muvofiq sotuvchi sotib oluvchiga butun korxonani mulkiy majmua sifatida topshirish majburiyatini oladi, sotuvchi boshqa shaxslarga berishga haqli bo‘lmagan huquq va majburiyatlar bundan mustasno.

Firma nomi, tovar belgilari, xizmat ko‘rsatish belgilari va sotuvchini hamda uning mahsulotini, u bajaradigan ish yoki ko‘rsatadigan xizmatlarni shaxsiylashtiradigan boshqa vositalardan foydalanish huquqlari, agar korxonani sotish shartnomasida boshqacha tartib nazarda tutilgan bo‘lmasa, sotib oluvchiga o‘tadi.

Ayirboshlash shartnomasiga muvofiq har bir taraf boshqa tarafga bir tovarni boshqa tovarga almashtirish yo‘li bilan mulk qilib topshirish majburiyatini oladi.

Ayirboshlash shartnomasiga nisbatan tegishincha oldi-sotdi to‘g‘risidagi qoidalar qo‘llanadi, basharti bu ushbu bob qoidalariga va ayirboshlash mohiyatiga zid kelmasa. Bunda har qaysi taraf almashtirish yo‘li bilan topshirish majburiyatini olgan tovarni sotuvchi va qabul qilish majburiyatini olgan tovarni sotib oluvchi hisoblanadi.

Qonunchilikda belgilangan tartibda davlat ro‘yxatidan o‘tkazilishi lozim bo‘lgan avtomototransport vositalarini ayirboshlash shartnomasi notarial tasdiqlangan bo‘lishi kerak.

Normativ-huquqiy hujjatlarni rasmiy sharhlash normativ-huquqiy hujjatda noaniqliklar topilgan, u amaliyotda noto‘g‘ri yoki ziddiyatli tarzda qo‘llanilgan taqdirda amalga oshiriladi.

O‘zbekiston Respublikasining Konstitutsiyasi va qonunlari normalariga rasmiy sharhni O‘zbekiston Respublikasi Konstitutsiyaviy sudi beradi.

O‘zbekiston Respublikasi Oliy Majlisi palatalarining qarorlariga rasmiy sharhni O‘zbekiston Respublikasi Oliy Majlisining tegishli palatalari beradi.

Qonunosti hujjatlari normalariga rasmiy sharhni ularni qabul qilgan organlar beradi.

Normativ-huquqiy hujjatlarni rasmiy sharhlash jarayonida ularga normalarni aniqlashtirishga qaratilgan tuzatishlar, o‘zgartishlar, qo‘shimchalar kiritilishiga yo‘l qo‘yilmaydi.

“O‘zbekiston Respublikasi Oliy Majlisi palatalarining Axborotnomasi”, “O‘zbekiston Respublikasi qonunchilik to‘plami”, “Xalq so‘zi” va “Narodnoye slovo” gazetalari, “O‘zbekiston Respublikasi qonunchilik ma’lumotlari milliy bazasi” O‘zbekiston Respublikasining Konstitutsiyasi va qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari va qarorlari e’lon qilinadigan rasmiy manbalardir.

“O‘zbekiston Respublikasi Hukumati qarorlarining to‘plami”, “O‘zbekiston Respublikasi qonunchilik to‘plami”, “Xalq so‘zi” va “Narodnoye slovo” gazetalari, “O‘zbekiston Respublikasi qonunchilik ma’lumotlari milliy bazasi” O‘zbekiston Respublikasi Vazirlar Mahkamasining qarorlari e’lon qilinadigan rasmiy manbalardir.

“O‘zbekiston Respublikasi qonunchilik to‘plami”, “O‘zbekiston Respublikasi qonunchilik ma’lumotlari milliy bazasi”, shuningdek vazirliklar va idoralarning rasmiy nashrlari vazirliklar va idoralarning normativ-huquqiy hujjatlari e’lon qilinadigan rasmiy manbalardir.

“O‘zbekiston Respublikasi qonunchilik ma’lumotlari milliy bazasi”, shuningdek mahalliy davlat hokimiyati organlarining rasmiy nashrlari mazkur mahalliy davlat hokimiyati organlarining qarorlari e’lon qilinadigan rasmiy manbalardir.

Normativ-huquqiy hujjatlar orqaga qaytish kuchiga ega emas va ular amalga kiritilganidan keyin yuzaga kelgan ijtimoiy munosabatlarga nisbatan qo‘llaniladi, bundan ushbu moddaning ikkinchi qismida nazarda tutilgan hollar mustasno.

O‘zbekiston Respublikasi qonunining amal qilishi u amalga kiritilguniga qadar yuzaga kelgan ijtimoiy munosabatlarga nisbatan qonunda to‘g‘ridan-to‘g‘ri nazarda tutilgan hollardagina tatbiq etiladi. Agar qonunda mazkur qonun qabul qilinguniga qadar javobgarlikka sabab bo‘lmagan yoki yengilroq javobgarlikka sabab bo‘lgan xatti-harakatlarni sodir etganlik uchun yuridik va jismoniy shaxslarning javobgarligini joriy etish yoxud kuchaytirish nazarda tutilsa, shuningdek agar qonunning qo‘llanilishi natijasida yuridik va jismoniy shaxslarga moddiy zarar yetkaziladigan bo‘lsa, qonunga orqaga qaytish kuchini berishga yo‘l qo‘yilmaydi.

Normativ-huquqiy hujjatning makon bo‘yicha amal qilishi normativ-huquqiy hujjatni qabul qilgan organning yurisdiksiyasi bilan belgilanadi. Normativ-huquqiy hujjatni qabul qilgan organ uning makon bo‘yicha amal qilish doirasini cheklab qo‘yishi mumkin.

Normativ-huquqiy hujjat, agar uning matnida boshqacha izoh berilmagan bo‘lsa, muddatsiz amal qiladi.

Normativ-huquqiy hujjatning amal qilish muddati butun hujjat yoki uning bir qismi uchun belgilanishi mumkin. Bunday holda normativ-huquqiy hujjat yoxud uning bir qismi qaysi muddatga yoki qanday hodisa yuz berguniga qadar o‘z kuchini saqlab qolishi ko‘rsatilishi kerak.

Normativ-huquqiy hujjatni qabul qilgan organ belgilangan muddat tugaguniga qadar yoki hodisa yuz berguniga qadar hujjatning yoki uning bir qismining amal qilishini yangi muddatga, boshqa hodisa yuz berguniga qadar uzaytirish to‘g‘risida yoxud normativ-huquqiy hujjat qonunchilikka, o‘tkazilayotgan islohotlarning ustuvor yo‘nalishlariga, jamiyatdagi barqaror huquqiy munosabatlarga muvofiq bo‘lgan taqdirda normativ-huquqiy hujjatga (uning qismiga) muddatsiz tus berish haqida qaror qabul qilishi mumkin.

Normativ-huquqiy hujjatning amal qilishi O‘zbekiston Respublikasining fuqarolari va yuridik shaxslariga, shuningdek o‘z faoliyatini O‘zbekiston Respublikasi hududida amalga oshirganda chet el yuridik shaxslariga, O‘zbekiston Respublikasi hududidagi chet el fuqarolari va fuqaroligi bo‘lmagan shaxslarga, agar O‘zbekiston Respublikasining xalqaro shartnomasida boshqacha qoida nazarda tutilmagan bo‘lsa, tatbiq etiladi.

Mehmon uylari, xostellar, o‘tovli va chodirli oromgohlarning faoliyati ularni Reyestrga kiritish va Reyestrdan ko‘chirma berish yo‘li bilan tashkil etiladi.

Mehmon uylari, xostellar, o‘tovli va chodirli oromgohlar egalari ular Reyestrga kiritilgandan so‘ng xizmat ko‘rsatish huquqiga ega bo‘ladi.

Mehmon uylari xizmatlari mehmon uyini tashkil etish uchun yaroqli turar joy binosiga ega bo‘lgan va unda yashovchi xususiy tadbirkorlar yoki oilaviy tadbirkorlik sub'ektlari tomonidan ko‘rsatiladi.

Xostel, o‘tovli va chodirli oromgohlarda tashrif buyuruvchilarga (turistlarga) vaqtincha yashash va (yoki) ovqatlanish bo‘yicha xizmatlar tadbirkorlik sub'ektlari tomonidan ko‘rsatiladi.

Mehmon uylari xizmatlarini ko‘rsatish oilaviy tadbirkorlik sub'ektlari shaklida tashkil etilganda, kommunal infratuzilma xizmatlari (elektr energiyasi, suv ta'minoti, kanalizatsiya, gaz ta'minoti va issiqlik ta'minoti) uchun to‘lovlar aholi uchun belgilangan tariflar bo‘yicha va shartlar asosida to‘lanadi.

Mehmon uylari faoliyati tegishli turar joyda uning egasi o‘z oila a'zolari hamda tashrif buyuruvchilar (turistlar) bilan birga yashashi tamoyili asosida tashkil etiladi.

Mehmon uylari, xostellar, o‘tovli va chodirli oromgohlar tomonidan ko‘rsatiladigan xizmatlarga doir talablar quyidagi maqsadlarda belgilanadi:

- mehmon uyi, xostellar, o‘tovli va chodirli oromgohlarning vaqtincha yashash bo‘yicha xizmat (keyingi o‘rinlarda — xizmatlar) ko‘rsatish sohasiga muvofiqligini tasdiqlash;

-  mehmon uyi, xostellar, o‘tovli va chodirli oromgohlar egasi tomonidan ko‘rsatiladigan xizmatlar va zarur moddiy-texnik bazasining mavjudligini tasdiqlash;

-   xizmat ko‘rsatishning zarur darajadagi sifatini va tashrif buyuruvchilarning (turistlarning) xavfsizligini ta'minlash.

Mehmon uylari faoliyatini tashkil etishda “Oilaviy mehmon uylari, xostellar, o'tovli va chodirli oromgohlar faoliyatini tashkil etish, ushbu sohada davlat xizmatlari ko'rsatish tizimini takomillashtirish to'g'risida”gi O'zbekiston Respublikasi Vazirlar Mahkamasining 27.11.2023 yildagi 622-sonli qaroriga asosan “Oilaviy mehmon uylari, xostellar, o‘tovli va chodirli oromgohlar faoliyatini tashkil etish to‘g‘risida”gi Nizomning 1-ilovadagi ro‘yxat bo‘yicha sharoitlar yaratilgan bo‘lishi shart.

Mehmon uylarida ushbu Nizomga 1a-ilovaga muvofiq qo‘shimcha xizmat turlarini ko‘rsatish hamda va 1b-ilovadagi ro‘yxatdagi buyumlarning mavjud bo‘lishi tavsiya etiladi.

Xostellar, o‘tovli va chodirli oromgohlarga doir majburiy talablar standartlashtirish bo‘yicha normativ hujjatlar bilan belgilanadi.

Turizm qo‘mitasi tomonidan tasdiqlanadigan reja-jadvalga muvofiq mehmon uylari, xostellar, o‘tovli va chodirli oromgohlarning hamda ular tomonidan ko‘rsatilayotgan xizmatlarning belgilangan talablarga rioya etilishi yuzasidan vakolatli davlat organi tomonidan monitoring o‘tkaziladi.

Mehmon uylari, xostellar, o‘tovli va chodirli oromgohlar faoliyati hamda ular tomonidan “Oilaviy mehmon uylari, xostellar, o'tovli va chodirli oromgohlar faoliyatini tashkil etish, ushbu sohada davlat xizmatlari ko'rsatish tizimini takomillashtirish to'g'risida”gi O'zbekiston Respublikasi Vazirlar Mahkamasining 27.11.2023 yildagi 622-sonli qaroriga asosan “Oilaviy mehmon uylari, xostellar, o‘tovli va chodirli oromgohlar faoliyatini tashkil etish to‘g‘risida”gi Nizomda ko‘zda tutilgan talablar bajarilishining monitoringi quyidagi maqsadlarda amalga oshiriladi:

mehmon uylari, xostellar, o‘tovli va chodirli oromgohlar tomonidan “Oilaviy mehmon uylari, xostellar, o'tovli va chodirli oromgohlar faoliyatini tashkil etish, ushbu sohada davlat xizmatlari ko'rsatish tizimini takomillashtirish to'g'risida”gi O'zbekiston Respublikasi Vazirlar Mahkamasining 27.11.2023 yildagi 622-sonli qaroriga asosan “Oilaviy mehmon uylari, xostellar, o‘tovli va chodirli oromgohlar faoliyatini tashkil etish to‘g‘risida”gi Nizom talablarining (shu jumladan, mehmon uylari uchun mazkur Nizomga 2-ilovada ko‘zda tutilgan majburiy sharoitlar, xostellar, o‘tovli va chodirli oromgohlar uchun qabul qilingan standartlar) buzilish holatlarini aniqlash va ularning oldini olish;

mehmon uylari, xostellar, o‘tovli va chodirli oromgohlar egalari hamda xodimlarining ko‘rsatilayotgan xizmatlar sifati va xavfsizligiga ta'sir qilishi mumkin bo‘lgan noqonuniy xatti-harakatlarini aniqlash hamda ularning oldini olish;

Reyestrga kiritilgan ma'lumotlarning haqqoniyligini ta'minlash.

Monitoring tadbirkorlik sub'ektlari faoliyatida tekshiruvlar o‘tkazishning qonunchilik hujjatlarida o‘rnatilgan tartibiga muvofiq hamda Turizm qo‘mitasi tomonidan tasdiqlangan shaklda anketalashtirish yo‘li bilan amalga oshiriladi.

Mehmon uylari, xostellar, oʻtovli va chodirli oromgohlar egalari quyidagi huquqlarga ega:

- turar joy binosini (mehmon uylari va xostel egalari) oʻz ixtiyoriga koʻra turar joy sohasidagi qonunchilik hujjatlari hamda “Oilaviy mehmon uylari, xostellar, oʻtovli va chodirli oromgohlar faoliyatini tashkil etish, ushbu sohada davlat xizmatlari koʻrsatish tizimini takomillashtirish toʻgʻrisida”gi Oʻzbekiston Respublikasi Vazirlar Mahkamasining 27.11.2023-yildagi 622-sonli qaroriga asosan “Oilaviy mehmon uylari, xostellar, oʻtovli va chodirli oromgohlar faoliyatini tashkil etish toʻgʻrisida”gi Nizomda belgilangan talablar doirasida tasarruf etish;

- tashrif buyuruvchilarni (turistlarni) Internet jahon axborot tarmogʻi va axborot-turistik markazlari orqali, ular mavjud boʻlmagan hollarda esa, bildirish tartibida hududiy ichki ishlar organlariga murojaat qilish yoʻli bilan roʻyxatga qoʻyish orqali ijara shartnomasini rasmiylashtirmasdan joylashtirish;

- tashrif buyuruvchilar (turistlar) tomonidan jamoat tartibi normalari buzilgan hollarda, joylardagi huquqni muhofaza qilish organlari bilan bogʻlanib harakat qilish;

- turizm faoliyati subyektlariga berilgan imtiyozlardan qonunchilikda belgilangan tartibda foydalanish.

Mehmon uylari, xostellar, oʻtovli va chodirli oromgohlarning egalari:

- oʻz faoliyatini qatʼiy ravishda mazkur Nizom va turizm toʻgʻrisidagi boshqa qonunchilik hujjatlariga muvofiq amalga oshirishi;

- sanitariya qoidalari, normalari va gigiyena normativlari, shuningdek, epidemiyaga qarshi hamda yongʻin xavfsizligi qoidalariga rioya etilishini taʼminlashi;

- Reestrga kiritilgan maʼlumotlar oʻzgarganligi, shuningdek, oʻz faoliyatini tugatganligi toʻgʻrisida uch ish kuni mobaynida vakolatli davlat organini yozma yoki elektron shaklda xabardor qilishi shart.

Mehmon uylari, xostellar, oʻtovli va chodirli oromgohlarning egalari qonunchilik hujjatlariga muvofiq boshqa huquq va majburiyatlarga ham ega boʻlishi mumkin.

Turizm qoʻmitasi hamda uning hududiy boʻlinmalari quyidagi huquqlarga ega:

- mehmon uylari, xostellar, oʻtovli va chodirli oromgohlar faoliyati hamda ular tomonidan “Oilaviy mehmon uylari, xostellar, oʻtovli va chodirli oromgohlar faoliyatini tashkil etish, ushbu sohada davlat xizmatlari koʻrsatish tizimini takomillashtirish toʻgʻrisida”gi Oʻzbekiston Respublikasi Vazirlar Mahkamasining 27.11.2023-yildagi 622-sonli qaroriga asosan “Oilaviy mehmon uylari, xostellar, oʻtovli va chodirli oromgohlar faoliyatini tashkil etish toʻgʻrisida”gi Nizom talablarining oʻz vaqtida va toʻlaqonli bajarilishi yuzasidan ushbu Nizomning 5-bobiga muvofiq monitoringni amalga oshirish;

- mehmon uylari, xostellar, oʻtovli va chodirli oromgohlar faoliyati toʻgʻrisidagi qonunchilikni yanada takomillashtirishga qaratilgan takliflar ishlab chiqish;

- monitoring natijalari boʻyicha mehmon uyi, xostellar, oʻtovli va chodirli oromgohlar manziliga aniqlangan kamchiliklar hamda ularni bartaraf etish uchun aniq muddatlar koʻrsatilgan holda bajarishi majburiy boʻlgan koʻrsatmalar taqdim etish.

Vakolatli davlat organi:

- mehmon uylari, xostellar, o‘tovli va chodirli oromgohlarning samarali faoliyat ko‘rsatishini tashkil etishda har tomonlama ko‘maklashishi;

- vaqtincha yashash bo‘yicha xizmatlar ko‘rsatish, shuningdek, manfaatdor davlat organlari bilan hamkorlikda mehmon uylari, xostellar, o‘tovli va chodirli oromgohlarning egalarini favqulodda vaziyatlarda harakat qilish tartibi bilan tanishtirishi;

- rejali asosda mehmon uylari, xostellar, o‘tovli va chodirli oromgohlar xodimlarining bilimi va malakasini oshirish imkonini beruvchi profilaktika va tushuntirish ishlari, mahorat saboqlari, treninglar va boshqa tadbirlarni tashkil etishi;

- mehmon uylari, xostellar, o‘tovli va chodirli oromgohlar egalarini turizm sohasidagi qonunchilik hujjatlaridagi o‘zgartirish va qo‘shimchalar to‘g‘risida xabardor qilib borishi;

- zamonaviy axborot-kommunikatsiya texnologiyalarini mehmon uylari, xostellar, o‘tovli va chodirli oromgohlar bilan o‘zaro munosabatlar sohasiga faol ravishda joriy qilib borishi shart.

Turizm qo‘mitasi hamda uning hududiy bo‘linmalari qonunchilik hujjatlariga muvofiq boshqa huquq va majburiyatlarga ham ega bo‘lishi mumkin.

Mehmon uylari, xostellar, o‘tovli va chodirli oromgohlar faoliyati qonunchilikda belgilangan tartibda nazorat qilinadi.

“Oilaviy mehmon uylari, xostellar, o'tovli va chodirli oromgohlar faoliyatini tashkil etish, ushbu sohada davlat xizmatlari ko'rsatish tizimini takomillashtirish to'g'risida”gi O'zbekiston Respublikasi Vazirlar Mahkamasining 27.11.2023 yildagi 622-sonli qaroriga asosan “Oilaviy mehmon uylari, xostellar, o‘tovli va chodirli oromgohlar faoliyatini tashkil etish to‘g‘risida”gi Nizom talablari buzilishida aybdor bo‘lgan shaxslar qonunchilik hujjatlarida belgilangan tartibda javob beradilar.

Javob: Normativ-huquqiy hujjat “Normativ-huquqiy hujjatlar to‘g‘risida”gi qonunga muvofiq qabul qilingan, umum majburiy davlat ko‘rsatmalari sifatida huquqiy normalarni belgilashga, o‘zgartirishga yoki bekor qilishga qaratilgan rasmiy hujjatdir.

Turli normativ-huquqiy hujjatlarning yuridik kuchi bo‘yicha o‘zaro nisbati O‘zbekiston Respublikasining Konstitutsiyasiga, normativ-huquqiy hujjatlarni qabul qilgan organlarning vakolatiga va maqomiga, ushbu hujjatlarning turlariga, shuningdek normativ-huquqiy hujjat qabul qilingan sanaga muvofiq belgilanadi.

Normativ-huquqiy hujjat o‘ziga nisbatan yuqori yuridik kuchga ega bo‘lgan normativ-huquqiy hujjatlarga muvofiq bo‘lishi shart. Normativ-huquqiy hujjatlar o‘rtasida tafovut bo‘lgan taqdirda yuqori yuridik kuchga ega bo‘lgan normativ-huquqiy hujjat qo‘llaniladi. Teng yuridik kuchga ega bo‘lgan normativ-huquqiy hujjatlar o‘rtasida tafovut bo‘lgan taqdirda keyinroq qabul qilingan hujjat qoidalari amal qiladi, ushbu moddaning beshinchi qismida nazarda tutilgan hol bundan mustasno. Agar normativ-huquqiy hujjatni qabul qilgan vazirlikning, davlat qo‘mitasining yoki idoraning ijtimoiy munosabatlarning muayyan sohasini huquqiy jihatdan tartibga solish uchun maxsus vakolati bo‘lsa, ushbu organ qabul qilgan hujjat bir xil darajadagi boshqa vazirlik, davlat qo‘mitasi yoki idora tomonidan qabul qilingan normativ-huquqiy hujjatga nisbatan yuqori yuridik kuchga ega bo‘ladi.

O‘zbekiston Respublikasining Konstitutsiyasi.

1. O‘zbekiston Respublikasining qonunlari. 2. O‘zbekiston Respublikasi Oliy Majlisi palatalarining qarorlari. 3. O‘zbekiston Respublikasi Prezidentining farmonlari, qarorlari va farmoyishlari. 4. O‘zbekiston Respublikasi Vazirlar Mahkamasining qarorlari. 5. Vazirliklar, davlat qo‘mitalari va idoralarning buyruqlari hamda qarorlari. 6. Mahalliy davlat hokimiyati organlarining qarorlari.

Mahalliy davlat hokimiyati organlari o‘z vakolati doirasida faqat qarorlar tarzida normativ-huquqiy hujjatlar qabul qiladi. Mahalliy davlat hokimiyati organlari tomonidan qabul qilingan farmoyishlar normativ ahamiyat kasb etmaydi.

Xalq deputatlari Kengashlari hududni rivojlantirishning istiqbolga mo‘ljallangan dasturlar, tuman, shaharning bosh rejasi va uni qurish qoidalarini tasdiqlash bo‘yicha;

viloyatlar mahalliy budjetlarini, shuningdek tumanlar va shaharlar budjetlarini qabul qilish bo‘yicha;

mahalliy soliqlar va boshqa majburiy to‘lovlarning stavkalarini belgilash hamda boshqa vakolatlar doirasi bo‘yicha normativ qarorlar qabul qiladi.

Viloyat, tuman va shahar hokimlari belgilangan tartibda qonunlarning hamda O‘zbekiston Respublikasi Oliy Majlisi palatalari, O‘zbekiston Respublikasi Prezidenti, Vazirlar Mahkamasi hujjatlarining, yuqori turuvchi organlar va tegishli xalq deputatlari Kengashi qarorlarining ijrosini tashkil etish yuzasidan normativ-huquqiy xususiyatga ega qarorlar qabul qiladi.

Mediatsiya — kelib chiqqan nizoni taraflar oʻzaro maqbul qarorga erishishi uchun ularning ixtiyoriy roziligi asosida mediator koʻmagida hal qilish usuli.

Mediatorlarni tayyorlash dasturi boʻyicha maxsus oʻquv kursi — fuqarolik huquqiy munosabatlardan, shu jumladan, tadbirkorlik faoliyatini amalga oshirish munosabati bilan kelib chiqadigan nizolarga, yakka mehnat nizolariga va oilaviy huquqiy munosabatlardan kelib chiqadigan nizolarda mediatsiyani qoʻllash boʻyicha mediatorlarni tayyorlash, ularda muzokaralar olib borish texnologiyasi, stress holati va kelishmovchiliklarni boshqarish, mediatsiya tartib-taomili haqida tayanch bilimlar berish, nizolarni hal qilish amaliy koʻnikmalarini shakllantirishga qaratilgan oʻquv kursi.

Professional mediator — mediatsiyani amalga oshirish uchun taraflar tomonidan jalb etiladigan, Adliya vazirligi tomonidan tasdiqlanadigan mediatorlarni tayyorlash dasturi boʻyicha maxsus oʻquv kursidan oʻtgan, shuningdek, Professional mediatorlar reestriga kiritilgan jismoniy shaxs.

nikoh qayd etilgunga qadar sotib olingan;

meros tariqasida yoki hadya shartnomasi bo‘yicha olingan;

nikoh davomida sotib olingan avtomototransport vositasi nikoh shartnomasiga asosan taqsimlab olingan bo‘lsa;

er-xotin o‘rtasidagi mulkni bo‘lish to‘g‘risidagi sud hujjati yoxud notarial tartibda rasmiylashtirilgan kelishuv mavjud bo‘lsa.

O‘zbekiston Respublikasi Konstitusiyaviy sudi sud'yasi bo‘lib ishlagan shaxslarga beriladi.

Respublika byudjetidan, Qoraqalpog‘iston Respublikasi byudjetidan va mahalliy byudjetlardan iboratdir.

Agar sud orqali himoya qilishning boshqa barcha vositalaridan foydalanib bo‘lingan bo‘lsa, sudda ko‘rib chiqilishi tugallangan muayyan ishda sud tomonidan o‘ziga nisbatan qo‘llanilgan qonunning Konstitusiyaga muvofiqligi to‘g‘risidagi shikoyat bilan O‘zbekiston Respublikasi Konstitusiyaviy sudiga murojaat qilishga haqli.

Konstitusiyaviy sudning qarori qat'iy va uning ustidan shikoyat qilinishi mumkin emas.

Jinoyat kodeksi bilan taqiqlangan, aybli ijtimoiy xavfli qilmish (harakat yoki harakatsizlik) jazo qo‘llash tahdidi bilan jinoyat deb topiladi. Ushbu Kodeks bilan qo‘riqlanadigan obyektlarga zarar yetkazadigan yoki shunday zarar yetkazish real xavfini keltirib chiqaradigan qilmish ijtimoiy xavfli qilmish deb topiladi.

Jinoyat sodir etish vaqtida o‘z harakatlarining (harakatsizligining) ijtimoiy xavfli xususiyatini anglagan va ularni boshqara olgan shaxs aqli raso shaxsdir.

Ijtimoiy xavfli qilmishni sodir etish vaqtida aqli noraso holatda bo‘lgan, ya’ni ruhiy holati surunkali yoki vaqtincha buzilganligi, aqli zaifligi yoxud ruhiy holati boshqacha tarzda buzilganligi sababli o‘z harakatlarining (harakatsizligining) ahamiyatini anglay olmagan yoki ularni boshqara olmagan shaxs javobgarlikka tortilmaydi.

Aqli norasolik holatida ijtimoiy xavfli qilmish sodir etgan shaxsga nisbatan sud tomonidan tibbiy yo‘sindagi majburlov choralari tayinlanishi mumkin.

Mastlik holatida yoki giyovandlik vositalari, ularning analoglari, psixotrop yoki odamning aql-irodasiga ta’sir etuvchi boshqa moddalar ta’siri ostida jinoyat sodir etgan shaxs javobgarlikdan ozod qilinmaydi. Bunday holat shaxsni aqli noraso deb topish uchun asos bo‘lmaydi.

Hujjatlarga an’anaviy tarzda apostil qo‘yish uchun vakolatli organga murojaat qilish lozim. 

O’zbekiston Respublikasi Adliya vazirligi - adliya organlari va muassasalaridan hamda fuqarolik holati dalolatnomalarini qayd etish organlaridan chiqadigan rasmiy hujjatlar

O‘zbekiston Respublikasi Vazirlar Mahkamasi huzuridagi ta’lim sifatini nazorat qilish davlat inspeksiyasi - ta’lim va fan sohasi tashkilotlaridan chiqadigan rasmiy hujjatlar.

O'zbekiston Respublikasi Oliy sudi;

O‘zbekiston Respublikasi Bosh prokuraturasi;

O’zbekiston Respublikasi Tashqi ishlar vazirligi.

Chet ellik investor quyidagi huquqlarga ega:

•          investitsiyalashni amalga oshirishning hajmlari, turlari va yoʻnalishlarini mustaqil belgilash;

•          investitsiya faoliyatini amalga oshirish uchun yuridik va jismoniy shaxslar bilan shartnomalar tuzish;

•          oʻzining investitsiyalariga va investitsiya faoliyatining natijalariga egalik qilish, ulardan foydalanish va ularni tasarruf etish. Chet ellik investorning qaroriga binoan investitsiyalarga, ularning natijalariga egalik qilish, ulardan foydalanish, ularni tasarruf etish huquqlari Oʻzbekiston Respublikasining qonun hujjatlarida belgilangan tartibda boshqa yuridik va jismoniy shaxslarga berilishi mumkin. Huquqlar boshqa shaxsga berilganda taraflarning oʻzaro munosabatlari shartnomalar asosida tartibga solinadi;

•          Oʻzbekiston Respublikasidagi investitsiya faoliyati natijasida olingan oʻziga qarashli ixtirolar, foydali modellar va sanoat namunalarini chet ellarda va Oʻzbekiston Respublikasida patentlashtirish toʻgʻrisida mustaqil ravishda qaror qabul qilish;

•          investitsiya faoliyati natijasida olingan daromadni soliqlar va boshqa majburiy toʻlovlar toʻlanganidan keyin mustaqil va erkin tasarruf etish (shu jumladan uni moneliksiz repatriatsiya qilish);

•          Oʻzbekiston Respublikasiga kreditlar va qarzlar tariqasida pul mablagʻlari jalb etish;

•          oʻz hisobvaragʻidagi milliy valyuta mablagʻlaridan ichki valyuta bozorida chet el valyutasini sotib olish uchun foydalanish;

•          qonun hujjatlarida nazarda tutilgan hollarda va shartlarda yer uchastkalariga doir huquqlarni sotib olish;

•          Oʻzbekiston Respublikasining qonun hujjatlariga muvofiq, oʻziga mulk huquqi asosida qarashli boʻlgan mol-mulk va har qanday mulkiy huquqlardan zimmaga olgan majburiyatlarning, shu jumladan qarz mablagʻlarini jalb etishga qaratilgan majburiyatlarning barcha turlari boʻyicha taʼmin sifatida foydalanish;

•          oʻz investitsiyalari va boshqa aktivlari rekvizitsiya qilingan taqdirda mutanosib ravishda tovon olish;

•          davlat boshqaruv organlarining, mahalliy davlat hokimiyati organlarining hamda ular mansabdor shaxslarining gʻayriqonuniy harakatlari (harakatsizligi) hamda qarorlari natijasida yetkazilgan zararlarni undirish.

Oʻzbekiston Respublikasida toʻgʻridan-toʻgʻri xorijiy investitsiyalar yoʻnaltirilayotgan iqtisodiyot tarmoqlari yoki hududlar kesimida investitsiya kiritish uchun qandaydir cheklovlar belgilanmagan.

Oʻzbekiston Respublikasining yuridik va (yoki) jismoniy shaxslari bilan birgalikda tashkil etilgan xoʻjalik jamiyatlari va shirkatlarining, banklar, sugʻurta tashkilotlari va boshqa korxonalarning ustav jamgʻarmalarida va boshqa mol-mulkida ulush qoʻshib qatnashish;

•          chet ellik investorlarga toʻliq qarashli boʻlgan xoʻjalik jamiyatlari va shirkatlarini, banklar, sugʻurta tashkilotlari va boshqa korxonalarni barpo etish va rivojlantirish;

•          mol-mulk, aksiyalar va boshqa qimmatli qogʻozlarni, shu jumladan Oʻzbekiston Respublikasi rezidentlari tomonidan emissiya qilingan qarz majburiyatlarini sotib olish; 

•          intellektual mulkka, shu jumladan mualliflik huquqlari, patentlar, tovar belgilari, foydali modellar, sanoat namunalari, firma nomlari va nou-xauga, shuningdek ishchanlik nufuziga (gudvillga) huquqlar kiritish;

•          konsessiyalar, shu jumladan tabiiy resurslarni qidirish, ishlab chiqish, qazib olish yoki ulardan foydalanishga boʻlgan konsessiyalar olish;

•          savdo va xizmat koʻrsatish sohalari obyektlariga, turar joy binolariga ular joylashgan yer uchastkalari bilan birgalikda mulk huquqini, shuningdek yerga egalik qilish va undan foydalanish (shu jumladan ijara asosida foydalanish) hamda tabiiy resurslarga egalik qilish va ulardan foydalanish huquqlarini sotib olish orqali.

•          shuningdek amaldagi qonun hujjatlariga zid boʻlmagan boshqa shakllarda ham amalga oshirilishi mumkin.

Investitsiya kiritish shakl va jarayonlarini oʻzgartirish

Xorijiy investitsiyalar birinchi martta yoki takroran amalga oshirilayotgan shakllarni oʻzgartirish ularning investitsiya sifatidagi malakasini oʻzgartirishga olib kelmaydi.

Gid (gid-tarjimon), ekskursiya yetakchisi va yo‘riqchi-yo‘l boshlovchilarga malaka sertifikatini berish davlat xizmatidan foydalanuvchilar toifasi yuridik va jismoniy shaxslar hisoblanib, ular tomonidan rasmiylashtirilgan arizalarni Turizm qo‘mitasi (Madaniy meros obyektlari muammolarini o‘rganish va turizmni rivojlantirish ilmiy-tadqiqot instituti — Ishchi organ)ni tomonidan ko‘rib chiqiladi.

Asos: Vazirlar Mahkamasining 2023-yil 30-noyabrdagi 635-son qarori bilan tasdiqlangan “Ayrim turdagi malaka sertifikatini berish bo‘yicha davlat xizmatlarini ko‘rsatishning yagona”ning ma’muriy reglamenti.

Gid (gid-tarjimon), ekskursiya yetakchisi va yo‘riqchi-yo‘l boshlovchilarga malaka sertifikati 3 yil muddatga beriladi.

Asos: Vazirlar Mahkamasining 2023-yil 30-noyabrdagi 635-son qarori bilan tasdiqlangan “Ayrim turdagi malaka sertifikatini berish bo‘yicha davlat xizmatlarini ko‘rsatishning yagona”ning ma’muriy reglamenti.

Malaka sertifikatini berganlik uchun undiriladigan to‘lov miqdori:

Bazaviy hisoblash miqdorining 1 baravari.

Attestatining toifasini oshirganlik uchun ham bazaviy hisoblash miqdorining 1 baravari miqdorida to‘lov undiriladi.

Asos: Vazirlar Mahkamasining 2023-yil 30-noyabrdagi 635-son qarori bilan tasdiqlangan “Ayrim turdagi malaka sertifikatini berish bo‘yicha davlat xizmatlarini ko‘rsatishning yagona”ning ma’muriy reglamenti.

Asos:. O‘zbekiston Respublikasi Istiqbolli loyihalar milliy agentligi direktorining buyrug‘i, 20.03.2024 yilda ro‘yxatdan o‘tgan, ro‘yxat raqami 3507.

Mayning-pul bu mayning jarayonini ta’minlash maqsadida hisoblash quvvatlarini birlashtiruvchi elektron platformani taqdim etuvchi tashkilot.

Asos:. O‘zbekiston Respublikasi Istiqbolli loyihalar milliy agentligi direktorining buyrug‘i, 20.03.2024 yilda ro‘yxatdan o‘tgan, ro‘yxat raqami 3507.

Mayning faoliyati bu hisoblash operatsiyalarini bajarish orqali ma’lumotlarning taqsimlangan reyestrini yuritish, bloklarning yaxlitligini yaratish va tasdiqlash faoliyati.

Asos:. O‘zbekiston Respublikasi Istiqbolli loyihalar milliy agentligi direktorining buyrug‘i, 20.03.2024 yilda ro‘yxatdan o‘tgan, ro‘yxat raqami 3507.

Milliy mayner — O‘zbekiston Respublikasi hududida mayningni amalga oshirish uchun ruxsatnoma olgan (bundan buyon matnda ruxsatnoma deb yuritiladi) O‘zbekiston Respublikasi rezidenti bo‘lgan yuridik shaxs.

Xorijiy mayner — O‘zbekiston Respublikasi norezidenti bo‘lgan, O‘zbekiston Respublikasi hududidan tashqarida mayning bilan shug‘ullanuvchi jismoniy yoki yuridik shaxs.

Fuqaroga yoki ichki ishlar organi xodimiga qilingan hujumni qaytarish uchun;

jinoyatga yoki ma’muriy huquqbuzarlikka chek qo‘yishda;

ichki ishlar organi xodimiga qarshilik ko‘rsatilishiga chek qo‘yishda;

jinoyatni sodir etishda yoki uni sodir etganidan keyin darhol ko‘rib qolingan, yashirinishga urinayotgan shaxsni ushlashda;

ushlab turilgan shaxslarni va qamoqqa olingan, ma’muriy qamoqqa olingan shaxslarni olib borish, qo‘riqlab borish va qo‘riqlashda, shuningdek qochishga urinishini, atrofdagilarga yoki o‘ziga zarar yetkazishini bartaraf etish maqsadida.

Markaziy saylov komissiyasi;

hududiy saylov komissiyalari;

tuman va shahar saylov komissiyalari;

xalq deputatlari viloyatlar va Toshkent shahar Kengashlariga saylov o‘tkazish bo‘yicha okrug saylov komissiyalari;

uchastka saylov komissiyalari.

Aholi soni 2 million nafargacha bo‘lgan hududlarda – 30 tadan 40 tagacha;

aholi soni 2 milliondan 3 million nafargacha bo‘lgan hududlarda – 40 tadan 50 tagacha;

aholi soni 3 million nafardan ortiq bo‘lgan hududlarda – 50 tadan 60 tagacha.

Jinoyat kodeksida jinoyat tamom bo‘lgan payt ijtimoiy xavfli qilmish bajarilgan vaqt deb hisoblangan bo‘lib, uni sodir etgan shaxs o‘z qilmishining ijtimoiy xavflilik xususiyatini anglagan va shunday qilmishni sodir etishni istagan bo‘lsa, bunday jinoyat qasddan sodir etilgan deb topiladi.

O‘z-o‘ziga ishonish yoki beparvolik orqasida sodir etilgan ijtimoiy xavfli qilmish ehtiyotsizlik orqasida sodir etilgan jinoyat deb topiladi.

Agar jinoyatni sodir etgan shaxs o‘z xulq-atvori qonunda nazarda tutilgan ijtimoiy xavfli oqibatlar keltirib chiqarishi mumkinligiga ko‘zi yeta turib, ehtiyotkorlik chora-tadbirlariga ongli ravishda rioya etmagan holda bunday oqibatlar kelib chiqmasligiga asossiz ravishda umid qilgan bo‘lsa, bunday jinoyat o‘z-o‘ziga ishonish oqibatida sodir etilgan deb topiladi.

Agar jinoyat sodir etgan shaxs o‘z xulq-atvori qonunda nazarda tutilgan ijtimoiy xavfli oqibatlar keltirib chiqarishi mumkinligiga ko‘zi yetmasada, lekin ko‘zi yetishi lozim va mumkin bo‘lsa, bunday jinoyat beparvolik orqasida sodir etilgan deb topiladi.

Agar shaxs o‘z qilmishining ijtimoiy xavflilik xususiyatini anglamagan, anglashi mumkin va lozim ham bo‘lmagan yoki uning ijtimoiy xavfli oqibatlariga ko‘zi yetmagan va ishning holatlariga ko‘ra ko‘zi yetishi mumkin va lozim ham bo‘lmagan bo‘lsa, bunday qilmish aybsiz holda sodir etilgan deb topiladi.

Qonunchilikka ko‘ra, quyidagi joylarda tamaki mahsulotini iste’mol qilish BHM ning uchdan bir qismi (113 ming so‘m) miqdorida jarima solinishiga sabab bo‘ladi:

🔹ish joylarida;

🔹sog‘liqni saqlash, ta’lim, sport-sog‘lomlashtirish muassasalarida;

🔹yong‘in chiqish xavfi bo‘lgan joylarda;

🔹avtomobillarga yoqilg‘i quyish shoxobchalarida va boshqa jamoat joylarida.

❗️Tamaki mahsulotini maxsus ajratilgan joylar yoki xonalarda iste’mol qilish lozim.

 Asos: O‘zbekiston Respublikasining ma’muriy javobgarlik to‘g‘risidagi Kodeksi

Qonunchilikka ko‘ra, avtomobil benzini sotib olish bo‘yicha quyidagi shaxslar uchun oylik pul kompensatsiyalari to‘lovlari joriy etilgan:

🔹urush qatnashchilari va ularga tenglashtirilgan shaxslar;

🔹urush faxriylari va ularga tenglashtirilgan shaxslar;

🔹mehnatda mayib bo‘lish va kasb kasalligi tufayli I va II guruh nogironlar;

🔹I va II guruh bolalikdan nogironlar.

Bunda, kompensasiya summasiing miqdori har chorakda chakana savdodagi avtomobil benzini (chakana savdoda eng ko‘p tarqalgan) muayyan markasining o‘rtacha sotish narxidan kelib chiqib, 20 litr avtomobil benzini qiymati miqdorida Idoralararo tarif komissiyasi tomonidan belgilanadi.

Asos: Vazirlar Mahkamasining 2006-yil 30-oktyabrdagi 223-son qarori bilan tasdiqlangan “Avtomobil benzini sotib olish xarajatlarining bir qismi uchun shaxslarning ayrim toifalariga oylik pul kompensatsiyasi to‘lash tartibi to‘g‘risida”gi nizom.

Tadbirkorlarning bank hisobvaraqlaridan pul mablag‘larini ularning roziligisiz qonunga xilof ravishda o‘tkazish yoki olib qo‘yish yoxud ularni o‘z vaqtida qaytarmaslik, oz miqdorda talon-toroj qilish alomatlari mavjud bo‘lmagan taqdirda, BHMning 20 baravaridan 40 baravarigacha (6 mln 800 ming so‘mdan 13 mln 600 ming so‘mgacha) miqdorda jarima solishga sabab bo‘ladi.

Asos: O‘zbekiston Respublikasining ma’muriy javobgarlik to‘g‘risidagi Kodeksi.

Vazirlar Mahkamasining 2020 yil 22 maydagi 320-son qarori bilan tasdiqlangan O‘zbekiston Respublikasi fuqarolarini Toshkent shahri va Toshkent viloyatida doimiy yashash va vaqtincha turgan joyi bo‘yicha ro‘yxatga olish tartibi to‘g‘risidagi nizomga muvofiq Toshkent shahri va Toshkent viloyatida turgan joyi bo‘yicha vaqtincha ro‘yxatga qo‘yish uchun Davlat xizmatlari markazlariga (DXM) borib ariza topshiradi yoki xizmatdan elektron shaklda foydalanish uchun Yagona interaktiv davlat xizmatlari portalida (YIDXP) ro‘yxatdan o‘tadi hamda quyidagi hujjatlarga asosan so‘rovnoma to‘ldiriladi:

mulkdor va doimiy ro‘yxatga olinayotgan fuqaroning pasporti yoki ID-kartasi;

16 yoshga to‘lmagan shaxslar uchun- tug‘ilganlik to‘g‘risidagi guvohnoma;

O‘zbekiston Respublikasi Qurolli Kuchlarining kontrakt bo‘yicha harbiy xizmatchisining shaxsiy guvohnomasi (kazarmalar va kemalardan tashqarida yashaydigan harbiy xizmatchilar uchun);

harbiy hisob hujjatlari.

BHMning 2 % miqdorida YIDXP orqali yuqoridagi summaning 90 foizi undiriladi.

So‘rovnoma kelib tushgandan so‘ng bir ish kuni ichida idoralararo ma’lumot almashinuv orqali taqdim etiladi. (alohida holatlarda bu muddat 3 kungacha cho‘zilishi mumkin)

Vazirlar Mahkamasining 2020 yil 23 maydagi 327-son qarori bilan tasdiqlangan Dafn marosimi uchun nafaqa tayinlash bo‘yicha davlat xizmatlari ko‘rsatishning ma’muriy reglamentiga muvofiq O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasining tuman (shahar) bo‘limi tomonidan ariza beruvchiga belgilangan tartibda tegishli nafaqa tayinlanishi uchun “FHDYning yagona elektron arxivi” axborot tizimi orqali xabarnoma yuboriladi.

Shunga ko‘ra, marxumning qarindoshlari Xalq bankining tegishli tuman (shahar) bo‘limiga murojaat etishi lozim. Amaldagi qonunchilikka ko‘ra shaxsining vafot etishi munosabati bilan dafn etish majburiyatini zimmasiga olgan shaxsga pensiyani hisoblashning bazaviy miqdorining

4 baravari miqdorida nafaqa to‘lanadi.

Vazirlar Mahkamasining 2020 yil 19 avgustdagi 495-son qarori bilan tasdiqlangan Ish haqi va ish stajini tasdiqlash haqida arxiv ma’lumotnomasini berish bo‘yicha davlat xizmati ko‘rsatishning ma’muriy reglamentiga muvofiq ish haqi va ish stajini tasdiqlash haqida arxiv ma’lumotnomasini olish uchun fuqarolardan faqatgina so‘rovnoma to‘ldirish talab etiladi. Davlat xizmatlari markazlariga murojaat qilinganda ushbu so‘rovnoma Markaz xodimlari tomonidan to‘ldiriladi.

So‘rovnomada fuqaroning shaxsiga oid ma’lumotlar, ish joyi va lavozimi, ishga qabul qilinganligi bo‘yicha buyruq va mehnat shartnomasi bekor qilinganligi bo‘yicha buyruqning raqami va sanalari kabi ma’lumotlar ko‘rsatiladi.

Ish beruvchilar jazoni ijro etish muassasalaridan ozod qilingan shaxsni ishga qabul qilgandan so‘ng uch oydan ortiq muddatda mehnat faoliyatini davom ettirgandan keyin subsidiya olish uchun tegishli mahalliy mehnat organiga yozma ravishda yoki O‘zbekiston Respublikasi Yagona interaktiv davlat xizmatlari portali orqali murojaat qiladi.

Murojaatda ishga qabul qilingan jazoni ijro etish muassasalaridan ozod qilingan shaxsning familiyasi, ismi, otasining ismi, ish beruvchining subsidiya to‘lab berilishi lozim bo‘lgan hisobvarag‘i ko‘rsatilishi, shuningdek, murojaatga jazoni ijro etish muassasalaridan ozod qilingan shaxsning ishga qabul qilinganligi to‘g‘risidagi buyruq nusxasi ilova qilinishi shart.

Mahalliy mehnat organi ish beruvchi tomonidan subsidiya olishni so‘rab taqdim etilgan hujjatlarni uch ish kuni ichida o‘rganib chiqadi. Bunda jazoni ijro etish muassasalaridan ozod qilingan shaxs bilan tuzilgan mehnat shartnomasi «Yagona milliy mehnat tizimi» idoralararo dasturiy-apparat kompleksidan ro‘yxatdan o‘tkazilganligi hamda unga kamida uch oy mobaynida ish haqi to‘langanligi to‘g‘risidagi ma’lumot O‘zbekiston Respublikasi Iqtisodiyot va moliya vazirligi huzuridagi Soliq qo‘mitasining axborot tizimlarida mavjudligi subsidiya berish uchun asos hisoblanadi.

Jazoni ijro etish muassasalaridan ozod qilingan shaxslarni ishga qabul qilgan ish beruvchilarga Bandlikka ko‘maklashish davlat jamg‘armasi mablag‘lari hisobidan subsidiya ajratiladi.

Jazoni ijro etish muassasalaridan ozod qilingan shaxslarni ishga qabul qilgan ish beruvchilarga (budjet tashkilotlari, davlat korxonalari, ustav kapitalida davlat ulushi 50 foiz va undan ortiq bo‘lgan yuridik shaxslar bundan mustasno) har bir shaxs uchun uch oydan ortiq muddatda mehnat faoliyatini davom ettirgandan so‘ng bazaviy hisoblash miqdorining uch baravari miqdorida bir martalik subsidiya beriladi.

Ish beruvchi tomonidan hujjatlar to‘liq taqdim etilib, barcha zarur ma’lumotlar ko‘rsatilgan va jazoni ijro etish muassasalaridan ozod qilingan shaxs bilan tuzilgan mehnat shartnomasi «YAMMT» IDAKda ro‘yxatdan o‘tkazilganligi hamda unga kamida uch oy mobaynida ish haqi to‘langanligi to‘g‘risidagi ma’lumot Soliq qo‘mitasining axborot tizimlarida mavjudligi tasdiqlangan taqdirda, mahalliy mehnat organi uch ish kuni ichida ish beruvchiga jazoni ijro etish muassasalaridan ozod qilingan shaxsni ishga qabul qilganligi uchun subsidiya berish to‘g‘risidagi buyruqni rasmiylashtiradi. Buyruqda subsidiya miqdori va uni ajratish muddati ko‘rsatilishi lozim.

Asos:. O‘zbekiston Respublikasi Istiqbolli loyihalar milliy agentligi direktorining buyrug‘i, 20.03.2024 yilda ro‘yxatdan o‘tgan, ro‘yxat raqami 3507.

Listing — mayning-pul tomonidan kripto-aktivlarni mayning-pulning elektron platformasiga mazkur kripto-aktivlarni mayning qilish uchun qo‘shish jarayoni.

Asos:. O‘zbekiston Respublikasi Istiqbolli loyihalar milliy agentligi direktorining buyrug‘i, 20.03.2024 yilda ro‘yxatdan o‘tgan, ro‘yxat raqami 3507.

Delisting — kripto-aktivlarni mayning-pulning elektron platformasidan chiqarib tashlash jarayoni.

Asos:. O‘zbekiston Respublikasi Istiqbolli loyihalar milliy agentligi direktorining buyrug‘i, 20.03.2024 yilda ro‘yxatdan o‘tgan, ro‘yxat raqami 3507.

Mayning-pulning elektron platformasi — quyidagi jarayonlar amalga oshiriladigan axborot tizimi va (yoki) apparat-dasturiy kompleksi.

Aholi punktlaridan tashqarida boshqa haydovchilarni quvib o‘tish haqida ogohlantirish uchun;

zarur bo‘lgan hollarda yo‘l-transport hodisasining oldini olish uchun.

 Yuqorida ko‘rsatilgan hollardan tashqari tovushli ishoralardan foydalanish taqiqlanadi.

Pensiya yoshiga yetgan shaxslarga;

o‘n sakkiz yoshga to‘lmagan shaxslarga;

homilador ayollarga;

uch yoshga to‘lmagan bolalari bor ayollarga;

birinchi va ikkinchi guruh nogironligi bo‘lgan shaxslarga;

doimiy ishga ega shaxslarga;

harbiy xizmatchilarga.

Soliq to‘lovchining hududiga kirish;

soliq to‘lovchining hududini va binolarini ko‘zdan kechirish;

soliq to‘lovchidan hujjatlarni talab qilib olish va uni chaqirtirish;

soliq to‘lovchining hujjatlari va buyumlarini olib quyish.

Bundan QQS summasi o‘rnini qoplashda (qaytarishda) o‘tkaziladigan kameral soliq tekshiruvlari mustasno.

O‘zbekiston Respublikasi Vazirlar Mahkamasining qarori, 2022-yil 16-sentabrdagi 507-son qaroriga asosan 1941—1945-yillardagi urush qatnashchilari jumlasidan bo‘lmish harbiy xizmatchilar, 1941—1945-yillardagi urush nogironlari, 1941—1945-yillardagi urush davrida front ortida fidokorona mehnati va benuqson harbiy xizmati uchun orden va medallar bilan taqdirlangan shaxslar, Afg‘oniston Respublikasida va boshqa mamlakatlarning hududidagi jangovar harakatlarda qatnashgan sobiq baynalminalchi jangchilar jumlasidan bo‘lmish fuqarolar, haqiqiy muddatli harbiy xizmatni o‘tayotgan harbiy xizmatchilar va kontrakt bo‘yicha oddiy askarlar hamda serjantlar tarkibidagi harbiy xizmatchilar, Chernobil AES halokati oqibatida nurlanish kasalligiga chalingan va uni boshdan kechirgan shaxslar, nogironligi bo‘lgan ko‘zi ojiz shaxslarga taqdim etiladi.

O‘zbekiston Respublikasi Vazirlar Mahkamasining qarori, 2022-yil 16-sentabrdagi 507-son qaroriga asosan imtiyozli transport kartasi cheklanmagan muddatga beriladi.

O‘zbekiston Respublikasi Vazirlar Mahkamasining qarori, 2022-yil 16-sentabrdagi 507-son qaroriga asosa Imtiyozli transport kartasini boshqa shaxslarga berish taqiqlanadi.