Ko‘p beriladigan savollar
Portal haqida

YIDXP – bu butunjahon internet tarmog‘ida foydalanuvchilarga O‘zbekiston Respublikasi davlat tashkilotlari (keyingi o‘rinda – davlat tashkilotlari) tomonidan  ko‘rsatiladigan interaktiv davlat xizmatlaridan foydalanish imkoniyatini taqdim etuvchi Yagona interaktiv davlat xizmatlari portali (my.gov.uz).

YIDXP foydalanuvchilar va davlat tashkilotlari o‘rtasida davlat xizmatlari sohasida munosabatlarni masofaviy tashkillashtirilishiga hamda ko‘rsatiladigan xizmatlarning samaradorligini oshirishga xizmat qiladi.

Yagona portal (YIDXP) davlat organlari tomonidan ko'rsatiladigan, shu jumladan pulli asosda ko'rsatiladigan interaktiv davlat xizmatlaridan erkin foydalanishning yagona nuqtasi hisoblanadi.

Yagona portalning asosiy vazifalari:

  • foydalanuvchilarga davlat organlariga to'g'ridan-to'g'ri murojaat qilish uchun imkoniyat berish;
  • foydalanuvchilarni axborot-kommunikatsiya texnologiyalari sohasidagi boshqa loyihalar bilan integratsiyalash;
  • foydalanuvchilarning davlat organlari bilan o'zaro hamkorligi samaradorligini oshirish;
  • davlat organlariga murojaat qilinganda foydalanuvchilar uchun byurokratik to'siqlarni qisqartirish va ularni bartaraf etish;
  • «Elektron hukumat» tizimini yanada rivojlantirish va davlat boshqaruviga zamonaviy axborot texnologiyalarini joriy etishda ko'maklashish.

Yagona portal zamonaviy axborot texnologiyalaridan foydalanish asosida interaktiv davlat xizmatlari olishda foydalanuvchilarning shart-sharoitlarini rivojlantirish va imkoniyatlarini kengaytirish uchun mo'ljallangan.

YIDXPda shaxsiy kabinetga OneID (id.egov.uz) tizimida avtorizatsiyadan o‘tish orqali kirish mumkin. Agar OneID tizimida shaxsiy sahifangiz bo‘lmasa, ro‘yxatdan o‘tiladi.

OneID tizimida ro‘yxatdan o‘tish uchun O‘zbekiston Respublikasi fuqarolik pasporti (ID karta) yoki fuqaroligi bo‘lmagan shaxsning yashash guvohnomasi bo‘lishi lozim.

id.egov.uz tizimida jismoniy shaxsni ro‘yxatdan o‘tkazish bo‘yicha yo‘riqnoma: https://my.gov.uz/oz/pages/instruction-ind?new=1

JSH SHIR, yaʼni jismoniy shaxslarning shaxsiy identifikatsion raqami — bu har bir fuqaroga pasport olayotganida, endilikda esa tug‘ilganlik to‘g‘risida guvohnoma bilan birgalikda beriladigan unikal raqamlar to‘plami.

Aynan JSH SHIR avtomatlashtirilgan tizim fuqaro kimligini aniqlashi,
u haqida zarur bo‘lgan elektron maʼlumotlarni olishga ko‘maklashuvchi maxsus kod vazifasini bajaradi.

Elektron hujjatdagi axborotni tasdiqlash va egasini identifikatsiya qilish imkoniyatini beradigan maxsus elektron raqamli imzo.

Elektron raqamli imzoni onlayn tarzda olish bo‘yicha yo‘riqnoma: https://my.gov.uz/oz/pages/ecp-online?new=1

Albatta, buning uchun OneID tizimida shaxsiy sahifangizda “Tasdiqlash” bo‘limiga shaxsiy ERI kalit biriktirilgan bo‘lishi lozim. Shundan keyin avtorizatsiyadan o‘tish jarayonida “ERI orqali” tugmasi orqali kirish mumkin.